Pinasalamatan ni Harry Styles ang kaniyang One Direction bandmates sa kaniyang speech matapos tanggapin ang karangalang Artist of the Year sa BRIT Awards 2023 nitong Linggo, Pebrero 12.
"I want to thank Niall, Louis, Liam, and Zayn because I wouldn't be here without you either. Thank you so much,” saad ni Styles.
Taong 2010 nang pagsamahin sina Harry Styles, Liam Payne, Louis Tomlinson, Niall Horan, and Zayn Malik para mabuo ang bandang One Direction sa The X Factor. Matapos ang nasabing programa, nakapag-release ang pop band ng Top 10 hits tulad ng “What Makes You Beautiful” at “Story of My Life.”
Nakabenta rin sila ng mahigit 200 milyong records worldwide, na may mahigit 21 bilyong streams sa lahat ng streaming platforms.
Tinapyasang budget ng opisina ni VP Sara, ‘di na dapat baguhin – Sen. Risa
Samantala, taong 2015 nang ianunsyo ni Malik ang kaniyang desisyong iwan ang banda. Taong 2016 naman nang tuluyan na ring magkawatak-watak sina Styles, Payne, Tomlinson, at Horan para gumawa ng sari-sariling career.
