CEBU CITY – Inaresto ng National Bureau of Investigation (NBI) ang isang 25-anyos na babae dahil sa pagbebenta ng mga hubo’t hubad na larawan niya at ng kanyang mga kapatid online.
Arestado ang babae sa isinagawang entrapment operation ng Mandaue City Office ng NBI-Central Visayas sa Barangay Tisa dito.
“This operation was challenging. It took a lot of patience because it involved a series of text messages, a series of transactions,” ani Arnel Pura, officer-in-charge ng NBI-Mandaue.
Inamin ng babae na nakikisali siya sa isang "cam show" o ang pagpo-pose nang hubo't hubad online sa pamamagitan ng messenger ng isang social media platform. Ang bayad ay mula P300 hanggang P1,500.
Atimonan mayor, kinondena pamamaslang sa 10-anyos na batang babae
Sinabi ni Pura na isang undercover agent ang nakipagtransaksyon sa babae kung saan nakumpirma ang mga ulat na siya ay nasa online sex exploitation. Karamihan sa kanyang mga parokyano ay mga dayuhan.
Sinabi ni Pura na batay sa impormasyong ibinigay ng gobyerno ng Estados Unidos, inalok din ng babae ang kanyang mga kapatid sa kanyang mga kliyente. Ang suspek ay kadalasang nagpapadala ng mga hubo't hubad na larawan ng kanyang mga kapatid upang maakit ang mga customer.
Nang tanungin ng mga mamamahayag, sinabi nito na magpapadala siya ng mga hubo't hubad na larawan o gagawa ng mga cam show depende sa hinihingi ng kanyang mga kliyente. Ang mga kapatid ng suspek ay nasa pangangalaga na ng mga social worker, sabi ni Pura.
Sasampahan ng kasong paglabag sa Republic Act 11862 o Expanded Anti-Trafficking in Persons Act of 2022 ang babae.
Calvin Cordova
