Laugh trip na reaksyon mula sa netizens ang matutunghayan ngayon sa isang concert page matapos mabunyag ngang kasama si Sen. Raffy Tulfo sa “Pinakamakinang” concert ng skincare brand owner na si Glenda Victorio.
Sa kumakalat nang Facebook post ng Philippine concert ngayong Biyernes, Pebrero 3, makikita na ang buong lineup sa inaabangang anniversary concert ng brand.
Kabilang dito ang award-winning Pinay singer at Fearless Diva na si Jona, si Miss Universe Philippines 2020 Rabiya Mateo, si Kapamilya star Andrea Brillantes, ang mga bandang Kamikazee at Mayonnaise, at ang rising artist at “Paraluman” singer na si Adie.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Agaw-pansin naman ang guest appearance ng mambabatas na si Tulfo sa nasabing musical treat dahilan para ulanin ng mga hirit ng netizens.
““Ang namulat ay hindi na muling pipikit kagayaku,” laugh trip na saad ng isang netizen kalakip ang “#KulayRosmarAngBukas. ”
May isa pang nag-request na kantahin ng host ang theme song ng kilala niyang programa, ang “Wanted sa Radyo.”
“May magrreklamo po ba sa Concert? Kaya Guest si Sir Raffy,” pilyang segunda ng isa pa.
“Abangan ang pinakamakinang na away rosmar at glenda sa raffy tulfo in action live at Araneta,” dagdag na nakakatawang senaryo ng isa pang netizen.
“Dream concert hahahaha Tito Raffy in Manila! ”
“Raffy-Sensei! ”
“anong gagawin ni tulfo??? magpapatulfo ba mga nasa audience??”
“Raffy Tulfo in Action LIVE sa Araneta! ”
Gaganapin ang “Pinakamakinang: The Brilliant Concert” sa Martes, Pebrero 7.
