Isa sa naging guests sa successful concert ng OPM balladeer na si Christian Bautista si Julie Anne San Jose nitong Sabado, Enero 29. Present naman ang supportive partner ng Kapuso singer na si Rayver Cruz!
Ito ang makikita sa serye ng Instagram stories ng “Maria Clara at Ibarra” star kung saan naispatang sweet na sweet pang kasama ang kapwa Kapuso stars na si Rayver.
Sa hit song ni Christian na “The Way You Look at Me,” habang inaawit ito ng balladeer ay makikitang unti-unting inilapat ni Julie ang camera kay Rayver Cruz.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
“My forever supportive and cute concert buddy @rayvercruz,” mababasa sa caption ng Kapuso singer sa hiwalay na larawan nila ng aktor sa isa pang Instagram story.
Matatandaang noong Nobyembre 2022 sa “Julieverse” concert ng Kapuso singer, nagpalitan na sa wakas ang dalawa ng “I love you” na tila naging opisyal nang pag-amin ng dalawa sa estado ng kanilang relasyon.
“Naalala mo nung birthday mo, sinabi ko naman sa’yo kung anong nararamdaman ko. Gusto ko lang din iparinig sa kanila. Julie Anne San Jose, I love you. I love you so much,” saad noon ni Rayver kay sa actress-singer.
“Gusto ko lang sabihin na sobrang thankful ako sa ‘yo. Ang dami nang nagbago sa buhay ko simula nung dumating ka. Kaya gusto kong sabihin: I love you, too,” tugon ni Julie na kinakiligan ng manunuod noon sa New Performing Arts Theater.
