May pilyang sagot na si OPM singer Moira Dela Torre sa isang Pinoy fan na kuwelang hiniling sa singer na magbitbit ng danggit kasabay ng kaniyang concert tour sa Qatar.
Ito ang kuwelang komento ng “Kumpas” singer sa isang social media post ng Royal Sports and Events kamakailan na siyang may hawak sa show ni Moira sa Qatar.
Muli kasing inimbitahan ni Moira ang fans sa Middle East kamakailan.
Chloe San Jose, mas pinipiling maging 'authentic' na tao kaysa people-pleaser
Pabirong komento niya, “Kita-kita po tayo jan sa Qatar, dala ko na po ‘yung danggit ni kuya.”
Matatandaang viral kamakailan ang komento ng tila Pinoy sa Qatar na nagpapasabay sa singer ng sikat na danggit.
Napa-“hanep” na lang ang singer sa laugh trip na komento.
Sa panibagong sagot ni Moira, instant viral muli ito na naghatid ng parehong good vibes sa netizens.
Sumagot na rin ang “Boy ulam Lutong bahay” kay Moira na matatandaang pasimuno ng viral na “pasabuy.”
Sa ngayon, umabot na sa mahigit 82,000 reactions ang screenshot ng komento ni Moira na makikitang burado na rin sa orihinal na Facebook post.
“Parating na ang danggit doha qatar!” sey ng fan page na "Best of Moira" sa naturang viral post.
