SUAL, Pangasinan -- Sampu ang sugatan matapos magkarambola ang limang sasakyan sa Brgy. Poblacion nitong Biyernes, Enero 27.
Ayon sa ulat mula sa tanggapan ni Police Col. Jeff Fanged, Pangasinan Police Provincial Director, ang sangkot na sasakyan ay ang Chevrolet Trailblazer na may Plate# NBZ 4100, Toyota Vios na minamaneho ni Dean Martin Rivera, 37; Sportivo SUV na minamaneho ni Carlos Capili, 59, Physician; Sportbike Motorstar na minamaneho ni Elmanuel Page Maglanoc, 28; at Pantrans bus na minamaneho Romeo Molina Palma.
Ibinunyag sa imbestigasyon na ang Pantrans bus ay nakapasok sa kabilang linya at nabangga ang apat na sasakyan.
Dinala ang mga drayber sa Sual Primary Care Facility Infirmary, sabi ni Corporal Christian Ray L. Bernardo, investigator-on case.
