Isa-isang pinasalamatan ni Rabiya Mateo sa isang social media post kamakailan ang mga nagbigay oportunidad sa kaniyang career na naging daan sa pagkakaroon na ng kanilang pamilya ng sariling tahanan sa wakas.
Ito ang mababasa sa Instagram post ng dating Miss Universe Philippines at ngayo’t Kapuso host-actress nang ipasilip na ang aktuwal na bahay sa Iloilo noong Linggo, Enero 22.
View this post on Instagram
Blind Item
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
“Nandito ako ngayon sa labas ng kakabili kong bahay para sa pamilya ko sa Iloilo. I’m kinda getting emotional kasi parang looking back then, it was so impossible for us to have a property kasi nagre-rent lang kami. Tapos no permanent address din, nakailang lipat na rin ng bahay,” halos maluhang sabi ni Rabiya sa Instagram clip.
“God has been so good to me and to my family. Sa lahat ng blessings na pumasok talaga, God is so good. Hopefully, in the coming years mas mapaganda pa naming ‘yung bahay na ‘to,” aniya pa.
Isang motivation naman ang ipinaabot ni Rabiya sa kapwa breadwinners sa pamilya.
“Alam kong mahirap especially minsan nakakapagod din na maraming taong umaasa sa’yo, but use that fuel to strive harder talaga kasi sobrang sarap sa feeling to be able to provide sa mga taong mahal mo,” makahulugang sabi ng TV personality.
Sunod na mano-manong pinasalamatan ni Rabiya sa parehong post ang mga brand na nagtiwala sa kaniya, at iba pang organisasyon na nagbigay sa kaniya ng oportunidad sa industriya.
Kabilang sa mga kinilala ni Rabiya s'yempre ang Miss Universe Philippines Organization na nagbukas lahat ng tinatamasang karera, at ang mga programang "Tiktoclock" at "Unang Hirit" ng GMA Network.
Proud naman sa Kapuso star ang ilang kapwa Kapuso artists.
"Yaaaayy congrats ibyang!!! nakakatuwa na makita ang pagsisikap mo na nagbunga nak 🙏🏼😘 so proud of you! 😘👏🏼👏🏼👏🏼👏🏼👏🏼👏🏼👏🏼 " komento ni Pokwang.
"🥹♥️ congratulations!" naluhang komento ni Gabbi Garcia.
"Sooooo proud of you ibyang 🙌🙌🙌🙌puwede mo na kunin si Kuya Germs as your birthday clown, 🙌" saad naman ni Kuya Kim.
"Congrats Queen @rabiyamateo 🙌❤️!" sey naman ng kapwa beauty queen na si Samantha Bernardo.
"You deserve it and more! Work hard and always stay grounded. Remember everything I told you!😉😘" komento rin ni MUPH National Director Shamcey Supsup.
"Yessss!!!! congrats!! super happy for u and your fam!!🙌🙌 " saad din ni Daniel Matsunaga.
"Congratulations Rabiya!!! 🙌🏼🙏🏼!" segunda rin ni EA De Guzman.
Bukod sa kanila, marami pang mga malalapit na kaibigan ang bumuhos sa comment section para batiin si Rabiya.
Kasalukuyang talent ng Sparkle si Rabiya.
Bago naging Miss Universe Philippines 2020, ang Ilocana beauty queen ay namulat sa isang mahirap na pamumuhay na itinaguyod lang ng kaniyang Mama Christine dahilan din ng pagiging masinop niya sa pera.
Congrats, Rabiya!
