Isa sa mga naging special guest sa "I Am Toni" anniversary concert ni Ultimate Multimedia Star Toni Gonzaga-Soriano ay ang Pinoy rapper na si Andrew E, na nagbigay ng hype sa audience ng naturang concert.
Isa sa mga inawit ni Andrew E ay ang "Banyo Queen" na talaga namang sinabayan ng mga manonood.
https://twitter.com/AndrewE_Dongalo/status/1616447190108622851
Mga Pinoy na ilegal na naninirahan sa Amerika, binalaan ng PH Ambassador
"Rocking with Toni G and Alex G here at the jampacked Araneta crowd…!!! Wow!!! Maraming salamat po!!!" saad pa ni Andrew E sa kaniyang tweet.
Ibinahagi pa ng rapper ang isang video clip kung saan makikitang dagsa umano ang mga nanood ng concert ni Toni.
Marami naman ang nagtataka kung bakit sa 20 years daw ni Toni sa industriya ay si Andrew E pa ang napili nitong guest gayong marami na itong nakatrabahong artists.
Si Andrew E ay nakasama ni Toni sa campaign sorties ng UniTeam para sa halalan.
