Maging si Kapamilya actress Janine Gutierrez ay hindi naitago ang pagfa-fangirl kay “Popstar Royalty” Sarah Geronimo kamakailan.

Ito ang humble na tagpo na ibinahagi ng ‘ASAP Natin ‘To’ writer na si Darla Sauler nitong Huwebes.

Basahin: Kapamilya stars, masaya sa pagbabalik-ASAP studio ni Sarah G after two years! – Balita – Tagalog Newspaper Tabloid

Sa naturang video, makikitang habang abala si Sarah G sa kaniyang much-anticipated comeback sa ‘ASAP Natin ‘To’ stage. nasa gilid naman si Janine na maririnig at makikitang tinutukso ng ilang stars at staff para up-close na maka-interact at makapagpa-picture sa singer.

Tsika at Intriga
Bea, Julia, at Kim may 'common denominator' daw sa pagiging calendar girl

Bea, Julia, at Kim may 'common denominator' daw sa pagiging calendar girl

Very supportive din si Darla, at maging ang kapwa star at popster na si Maymay Entrata na todo-hikayat pa kay Janine na lapitan nga si Sarah G.

Matapos ang production number ng Popstar Royalty, sunod na makikitang all-smile na nakapag-papicture sa wakas si Janine sa singer.

Ilang Kapamilya artists naman ang nag-react din sa pagpa-fangirl ni Janine sa multimedia star.

Anang host na sina Melai Cantiveros at Kerwin King, “cute” anila ang humble na reaksyon ni Janine kay Sarah G kahit na sikat maging ang aktres mismo.