Napa-sanaol na lang muli ang netizens sa sweet na sweet na pag-flex muli ni Kapuso actress Barbie Forteza sa kaniyang “tahanan” na si Kapuso hunk Jak Roberto.
Ito nga ang laman ng Instagram post ng “Maria Clara at Ibarra” star kasunod ng pagdiriwang sa ika-29 kaarawan ng kaniyang kasintahan.
“Bat ganun? Birthday mo pero mas masaya ako? Hahahaha!” mababasa sa caption ng aktres, Biyernes.
Alindog ni Kim Chiu, ibinalandra na sa kalendaryo ng mga tomador
Favorite kasi pala ng young star ang Japanese food na treat naman ng dyowa sa espeyal na okasyon.
Sunod na mababasa ang kay tamis pang lalo na mga salita sa caption ng aktres sa parehong post.
“I love you when it’s easy, I love you even more when it’s difficult. I love you because you love me,” ani Barbie.
“I love you so much,” pagbalik naman na saad ni Jak kay Barbie.
Sa parehong post, bumuhos ang pagbati sa aktor mula sa kapwa celebrities.
Kabilang sa mga nagpaabot ng masayang kaarawan na pagbati sina Rita Daniela, Julie Anne San Jose, Rodjun Cruz, Kuya Kim, Tina Paner, bukod sa maraming iba pa.
Samantala, matatag pa rin ani Barbie Forteza ang higit limang taon na nilang relasyon ni Jak Roberto sa gitna ng mga lumabas na intriga ukol sa umano’y hiwalayan na ng Kapuso couple.
Personal na pinabulaanan ng Kapuso actress ang intriga sa isang media conference noong mga nakaraang buwan.
Nitong Mayo lang ipinagdiwang ng showbiz power couple ang kanilang ikalimang anibersaryo. Pagyayabang pa ni Barbie, “very hands-on” na ninong umano si Jak sa kaniyang pamangkin at mga magulang habang siya’y abala sa kasalukuyang proyekto.
“Lagi siya nagpupunta sa bahay to check on my parents, ‘yung mga tsikiting naming mga aso sa bahay,” dagdag ni Barbie.
Pag-amin noon ng aktres, ikinagulat niya ang mga lumabas na intriga na aniya’y muli na namang naungkat nang walang basehan.
Noong Hulyo, nauna nang nagpahayag ng interes si Barbie sa posibleng pag-level up ng kanilang relasyon ng Kapuso actor.
