Inalala kamakailan ng Grammy-winning American singer-songwriter na si Michael Bolton ang viral duet nila ng tinaguriang “Fearless Diva” na si Jona.
Ito ang ibinahagi ni Michael sa kaniyang Instagram update noong Miyerkules, Nob. 23, kalakip ang duet nila ng Pinay diva noong 2019 sa kaniyang hit song na “How Am I Supposed To Live Without You.”
“One of my favorite things about getting to perform all around the world is meeting incredible new talent in other countries. I loved duetting with Jona at PLDT Pasasalamat Night. She’s so talented!! #Throwback,” mababasa sa IG post ng world-renowned singer.
Jude Bacalso, nanindigang valid complaint pagtawag ng 'Sir' sa kaniya ng waiter
Binalikan din ni Jona ang iconic moment na kaniya pang nirepost sa Instagram.
“Throwback to this wonderful moment onstage with @michaelbolton last Nov 2019 ❤️ Grateful for this opportunity. Hope to do this again with you and the team! ❤️” mababasa sa caption ng singer.
Noong 2019, hinangaan ng netizens ang iconic duet nina Jona at Michael dahilan para mag-viral ang video na sa pag-uulat ay umabot na ng mahigit 4 million views sa parehong Facebook at YouTube.
