Sumabak sa isang nose job operation ang vlogger, komedyante at dating Pinoy Big Brother (PBB) housemate na si Brenda Mage.
Ito ang ibinahagi ni Brenda sa kaniyang serye ng Facebook updates mula pa nitong Huwebes at ngayong Biyernes.
Kasama ang kaibigang si Jig Jag, sabay na sumalang sa isang life-changing na pagpaparetoke ang komedyante.
Kung ang iba ay nag-aalangan pang ibahagi ang minsa’y itinatagong transformation, kumpiyansa pang ibinahagi ni Brenda ang kaniyang pre-operation sa isang vlog, Biyernes.
Carlos Yulo, wala pa raw naibibigay na tulong sa pamilya kahit palihim na abot?
Dito makikita ang sumailalim ang vlogger at kaniyang kaibigan sa ilang assessment, kabilang na rin ang paglalagay ng topical anesthesia bago ang aktuwal na operasyon.
Paglilinaw naman ni Brenda, enhancement sa kaniyang nose bridge kabilang ang ilang minor issues ang nais niyang ipagawa sa kaniyang ilong.
Umaabot sa P60,000 ang halaga naturang operasyon, anang nakausap ding doktor sa klinikang Above Aesthetic Center sa Quezon City.
Sa ngayon, wala pang reveal sa kaniyang bagong look si Brenda.
Gayunpaman, ngayon pa lang, positibo nang inaabangan ng kaniyang followers ang anila’y alindog program, at transformation ng komedyante ngayong taon.
