Ginulantang ang Lunes na Lunes ng "mainit na tsaa" matapos pumutok ang salpukan ng dating magkaibigang vloggers na sina Wilbert Tolentino at Zeinab Harake noong Oktubre 23 pa lamang ng gabi, hanggang sa maging trending at hindi mahupa-hupa hanggang kinagabihan ng Oktubre 24.
Ang puno't dulo nito ay nang mag-react si Wilbert sa cryptic post ni Zeinab na aniya ay isa siya sa mga pinatatamaan. Dahil dito, naglabas ng rebelasyon si Wilbert hinggil sa mga paninira ni Zeinab sa kapwa vloggers/influencers, sa pamamagitan ng paglalapag ng mga "resibo" ng mga sinabi nito patungkol kina Whamoz Cruz, Toni Fowler, at maging sa mga celebrity na sina Robi Domingo, kaibigang si Jelai Andres, Ivana Alawi, at Alex Gonzaga.
Basahin: https://balita.net.ph/2022/10/24/ang-rebelasyon-wilbert-tolentino-nagsiklab-sa-post-ni-zeinab-harake-may-isiniwalat-laban-sa-kaniya/">https://balita.net.ph/2022/10/24/ang-rebelasyon-wilbert-tolentino-nagsiklab-sa-post-ni-zeinab-harake-may-isiniwalat-laban-sa-kaniya/
Nagsanga-sanga na ito hanggang sa magsalita na rin at magpahayag ng kanilang reaksiyon sina Toni Fowler, Whamoz Cruz, at iba pang influencers hinggil sa isyu.
50.78% examinees, pasado sa Nov. 2024 Licensure Exam for Agriculturists
Hindi naman nagpakabog si Zeinab at naglabas din ng kaniyang rebelasyon patungkol kay Wilbert.
Basahin: https://balita.net.ph/2022/10/24/wilbert-mapanumbat-raw-sa-mga-may-utang-na-loob-sa-kaniya-buwelta-ni-zeinab/">https://balita.net.ph/2022/10/24/wilbert-mapanumbat-raw-sa-mga-may-utang-na-loob-sa-kaniya-buwelta-ni-zeinab/
Dahil dito, lumitaw sa Twitter at naging trending ang "TRUST NO ONE". Ipinakita umano sa nangyari na tila may mga taong hindi dapat pagkatiwalaan, kahit pa itinuturing mo pang pinakamalapit na kaibigan ang isang tao.
Narito ang ilan sa mga kuda ng netizens tungkol sa "kinapuyatang" awayan sa pagitan nina Wilbert at Zeinab.
"You should never put your trust in anyone, even if they are a friend or family member because they will betray you in the end; instead, trust yourself so that no one will betray you. Zeinab Harake, Toni Fowler, Wilbert Tolentino."
"Zeinab and Wil issue, tell us that we should not trust anyone. No one! Pag secrets are secrets, mag-away man kayo ng kaibigan mo, mabanas ka man sa kabobohan niyan, mapikon sa ugali. If you know how to value a friendship, you'll keep that secret no matter what happens."
"this z and wil issue simply tells us that we should not trust anyone, no one! I am not against sir wil but exposing your dm's is so high school, meanwhile yes zeinab may have backstab or utter ngative things abt those ppl but i still don't think that's enough reason to be vulgar."
"People are attacking Zeinab as if di nila natry mangback stab sa buong buhay nila. Ang lilinis nyo naman po. Moral of the issue: TRUST NO ONE."
"You really can’t trust no one these days."
"Kaya I rarely share lang talaga my personal life kase I know someday people will use it against me, trust no one ✨."
Samantala, nakaabang pa rin ang mga netizen hinggil sa magiging takbo ng patutsadahang ito, at kung sino-sino pang influencers ang "makikisawsaw" sa isyu.
