Tampok kamakailan ang early Halloween-themed musing sa YouTube content ni celebrity photographer BJ Pascual ang actress at celebrity mom na si Coleen Garcia.
Parehong hinangaan naman ng fans ang “freaky halloween shoot” ng tandem matapos ang dalawang taon.
View this post on Instagram
Relasyon at Hiwalayan
Pagpapakasal dahil lang sa anak, 'di bet ni Janella Salvador
Hands-on maging sa creative direction si BJ na kilala sa kaniyang iconic magazine photos ng ilang a-listers showbiz personality sa bansa.
Sa tatlong serye ng kaniyang Instagram post kamakailan, iflinex ni Coleen ang kinalabasan ng shoot na talaga namang pinag-usapan ng kaniyang followers.
Maging kay multimedia star Nadine Lustre ay aprub ang dagdag na iconic photos sa pangalan ni BJ.
Samantala, habang puring-puri ng marami ang latest shoot, isang kakaibang obserbasyon naman ang usap-usapan sa isang Facebook group kamakailan.
Anang netizens kasi, kamukha raw ni Filipino-Australian actor-music producer James Reid si Coleen sa naturang mga larawan.
Kasunod ng post, sinegundahan ito ng marami pang netizens na nagpahayag ng kaniya-kaniyang nakakaaliw na komento.
“[Ang] choices para sa test na ito ay: a. Coleen Garcia b. Ariana Grande c. James Reid,” kuwelang komento ng isang netizen.
“Combination ni Ariana Grande at Coleen Garcia na Lana del ray style,” dagdag na obserbasyon ng isa pang member ng Facebook group.
Biro ng isa pa, si James umano ang nasa larawan sa kaniyang “drag queen era.”
“James Reid, Ariana Grande, Lana Del Rey, & Carla Abellana collab leak,” hirit ng isa pang netizen.
Wala pang reaksyon ang aktres at ang photographer sa matalas na mata ng netizens.
Samantala, mapapanuod sa YouTube channel ni BJ ang kabuuang behind the scene experience ng latest shoot.
