Kung dati ay iba umano ang impresyon ng talent manager sa Kapuso actress na kadalasa’y naririnig niya sa mga pakulo ng boyfriend na si Jak Roberto, ibang Barbie Forteza ang nakilala ni Ogie Diaz sa “Maria Clara at Ibarra.”
Ito ang diretsahang pag-amin ng talent manager na isa na ring tagasubaybay sa GMA Fantaserye tampok ang “Noli Me Tangere ni Jose Rizal.
Dagdag niya, kagaya ng napansin ng maraming manunuod at netizens ibang level umano ang “husay at bongga” ng production design ng palabas.
Maliban pa rito, kumbinsido rin si Ogie sa power aniyang pagganap ni Barbie Forteza sa karakter ni Klay.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
“Actually, number one fan na ako ni Barbie Forteza. Dati inaano lang natin yung Barbie at Jak Roberto ‘di ba, na may pa-surprise si Jak at umiyak si Barbie, ay ngayon, iba ang tingin ko kay Barbie. Nakakaloka,” anang talent manager sa kaniyang latest showbiz update sa YouTube.
“Hangang-hanga ako kay Barbie kasi napakahusay umarte,” dagdag ng showbiz personality.
Matatandaang viral at laging trending sa iba’t ibang social media platform ang mga tagpo sa brand-new GMA series na kinaaaliwan ang twist sa makasaysayang nobela ng pambansang bayani.
Abot-abot naman ang pasasalamat ni Barbie sa mga tagasubaybay at aminadong hindi maipaliwanag ang pakiramdam kasunod ng “malaki at mainit” na pagtanggap sa kanilang serye.
Pagtitiyak ni Barbie, siniguro niyang “totoong tao” ang karakter ni Klay “para kapitan ng tao.”
Pagbabahagi rin Barbie, parehong aral ng hindi pantay na karapatan lalo na sa mga kababaihan noon at ang tradisyunal na panunuyo o panliligaw sa kababaihan ang nais na dalhin niya sa kasalukuyang henerasyon.
Sa huli, pinuri rin ni Ogie ang iba pang cast ng serye sa pangunguna nina Dennis Trillo, Tirzo Cruz, Lou Veloso, Julie Anne San Jose, bukod sa iba pa.
Maging ang husay ng direktor na si Zig Dulay ay kinilala rin ng talent manager.
