Tila abala ngayon si “People’s Champ” Manny Pacquiao sa kabi-kabilang guest appearance sa ilang TV shows sa hallyu capital South Korea.
Nitong nakaraang linggo, kinumpirma ng isang ulat ng South Korean news site na News 1ang paglabas ng dating senador sa sikat na SBSentertainment program na “Running Man matapos unang mapabalita ang guesting ni Pacquiao noong Marso ngayong taon.
Sa isang Instagram post nitong Biyernes, Oktubre, 14, naispatan namang kasama ng “People’s Champ” si 2NE1 member Sandara Park.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Kasama ang misis na si Jinkee, all-smile ang tatlo sa isang larawan.
Sa hiwalay na Instagram post nitong Biyernes, Oktubre 15, si Dara naman ang nag-flex kay Pacquiao sa kaniyang mahigit 9.9 million followers sa Instagram.
“With the legend 🥊@mannypacquiaoang pambansang kamao ng Pilipinas & pambansang krungkrung ng Pilipinas!!! 🎉” mababasa sa IG post ni Sandara.
Sa hashtag ng post, mapapansin naman ang "#KnowingBrothers" bilang kumpirmasyon sa pagsabak ng boxing champ sa sikat na JTBC program.
“Sana nag enjoy po kayo!!! It was really fun!!😆🙏🏻🥊” komento rin ng Korean star sa post ni Pacquiao.
Makikita ring suot ng People’s Champ ang iconic student uniform ng show kung saan kilalang isang class setup ang tema ng programa.
Samantala, wala pang detalye kaugnay ng naturang airing ng episode kasama ang Pinoy legendary champ.
Tuwing Sabado napapanuod ang sikat na “Knowing Brothers.”
