Ayaw na raw sagutin ni Manay Lolit Solis ang pagbuwelta ng manager ni Bea Alonzo na si Shirley Kuan. Gayunpaman, isang mahabang Instagram post ang agad na tugon nito sa kampo ng Kapuso actress nitong Huwebes, Oktubre 13.
“At siyempre, nandoon ang paghanga ko kay Shirley Kuan dahil lahat alaga niya super megastar, meaning isa siyang mahusay na manager. Dapat lang hangaan ko siya,” pagpuri ng 75-anyos na kolumnista sa manager.
Tila hindi naman napangatawanan ni Manay Lolit ang sarili at agad naman itong nagpahapyaw muli ng tirada sa manager.
“Huwag siyang mag-alala, balewala sa akin iyon pag-cancel niya sa presscon ng Beautederm dahil ayaw ko rin na naging dagdag gastos pa ako kay Rhea Tan ng Beautederm eh nalugi naman iyon product na ang endorser alaga ni Shirley Kuan,” anang showbiz commentator.
'Magkagalit sila?' Dennis, Ruru 'di raw nagpansinan sa set ng 'Green Bones'
“Saka siyempre, mas mahusay siyang manager dahil lahat hawak niya superstar, eh ako mga so-so stars lang, charot! At dahil sa taas ng paghanga ko kay SK bilang manager, naniniwala ako na lalampasan ng mga alaga niya mga talents ko, kaya ayoko ng sumagot sa kanya,” dagdag ng kapwa talent manager.
Nauna nang iginiit ni Shirley Kuan na “unprovoked” ang mga pag-atake ni Manay Lolit Solis sa kaniyang alaga.
Binaliktad din ng manager ng Kapuso star ang mga paratang ng kolumnista na sa kaniyang paglalarawan ay “bully” at “power-tripper.”
“Klaruhin natin. ‘Yung mga bully sila ‘yung nagbabaliktad ng kuwento para maawa sa kanila at para sa kanila maniwala. We’ve been very quiet about it because we’re considerate of her age, of her situation even before she declared that she’s not health anymore, getting treatment. Never kaming pumatol because bullies are just seeking attention,” ani Shirley sa panayam ng PEP.
