Tila papalagan ni Manay Lolit Solis ang umano’y pagbabanta ng fans ni Kapuso star Bea Alonzo sa buhay niya at ilang kaibigang manunulat na kritikal sa aktres.
Ito ang laman ng tatlong bahaging Instagram post ng batikang kolumunista at kaniyang tugon sa mga natanggap umanong grave threats mula sa nagngingitngit na fans ng “Start-Up” star.
Sa naturang update, mababasa ang mga Instagram user na “_forev3rbea_,” at “elonajean6” na may direktang pagbabanta sa kolumnista at mga kaibigang kapwa manunulat na si Salve at Gorgy.
Jude Bacalso, nanindigang valid complaint pagtawag ng 'Sir' sa kaniya ng waiter
Hiniling pa ng mga ito ang pagpanaw na ng 75-anyos na showbiz personality na kasalukuyang sumasailalim ng kaniyang kidney dialysis session.
“Naku Salve, sa dami ng mga threat at bashing mula sa fans ni Bea Alonzo parang sa halip makatulong sila kay Bea nagiging minus factor pa. Eh kung consult a lawyer kaya tayo na panay ang pananakot nila, to the point na nagsasabi na 'kill' nila tayong dalawa,” ani Manay Lolit nitong Linggo, Oktubre 9.
“Grave threats ang ginagawa nila, at ngayon pa lang dapat malaman ng mga followers natin Salve na pag may nangyari sa atin, mga fans at followers ni Bea Alonzo ang dapat investigate, or puwedeng si Bea Alonzo mismo dahil baka alam niya ang mga threats na ito, or baka na consult na ni Shirley Kuan sa lawyers na dapat kung gusto ni Bea Alonzo na maging maganda ang image niya, dapat consistent ang ginagawa niya,” dagdag niya.
Hindi rin nakaligtas ang manager ni Bea na si Shirley Kuan na ani Manay ay pinagmumulan ng mga isyu ng aktres.
Sa isang &t=1004s">showbiz vlog kamakailan, una nang sinabi ng kapwa talent manager na si Ogie Diaz na ang manager ni Bea ang nagtanggal umano kay Manay Lolit sa isang press conference ng isang beauty brand kung saan ambassador si Bea.
Ito rin ang naging hudyat para hindi na tigilan pa ng kolumnista sa kaniyang mga serye ng tirada sa Kapuso aktres.
“Huwag ninyo sayangin ang oras ninyo na takutin kami nila Salve at Gorgy, ang atupagin ninyo maglabas kayo ng pera at bumili at manuod kay Bea Alonzo,” payo ni Manay Lolit sa fans ni Bea.
“Hindi dapat humantong sa mga pagbabanta dahil hindi naman siguro apektado nito ang buhay ng kahit sino. Para sa akin malaking katangahan iyon magbanta ka o manakot,” dagdag niya.
“Ito ba ang klase ng usapan nila pag nagmi meeting sila. Ganyan ba mga followers ni Bea Alonzo, very violent ha. Mahilig sa verbal abuse using words na hindi maganda. Ay naku, gaya ng advice ko, manuod at bumili na lang kayo ng mga produkto ni Bea Alonzo para hindi siya talunin ni Bea Binene.”
Nanatiling tikom ang Kapuso star at ang manager nito sa mga tirada ni Manay Lolit.
