Dream come true para kay Kapuso actress Kim Domingo ang makatrabaho sina Bea Alonzo at Alden Richards sa Pinoy adaptation ng hit South Korean drama series na “Start-Up.”
Pag-amin naman ni Kim, kabado pa siyang makaeksena si Bea sa pagsisimula ng kanilang lock-in taping.
Anang Kapuso star, maging siya kasi ay certified fan ng seasoned actress na kilala sa kaniyang blockbuster films kasama ang Kapuso na ring si John Lloyd Cruz.
Isang bagay naman ang ikinagulat ni Kim kay Bea bilang katrabaho.
Pagpapakasal dahil lang sa anak, 'di bet ni Janella Salvador
“Nagulat ako sa kaniya kasi very approachable siya,” pagbabahagi ng aktres sa isang panayam kamakailan.
“Minsan nga ako na ‘yung nahihiya kasi siya pa ‘yung nag-o-open ng topic. Ako tameme lang ako. Pero siya talaga ‘yung nag-o-open ng conversation which is natutuwa ako kasi kahit na Bea na siya marunong siyang makisamasa mga ka-work niya, sa pagiging humble niya,” ani Kim.
Dagdag niya, masayang kachikahan si Bea na game na game ding makipagkulitan sa kanila in between takes.
“Nakakatuwa po dahil hindi ko ma-imagine na makakakwentuhan ko ang isang Bea Alonzo. Same with Alden,” aniya.
Matagal nang pangarap ni Kim ang magkaroon ng project kasama ang Kapuso actor.
Kagaya ni Bea, magandang sorpresa ring madiskubre ni Kim ang “mahinhin pero may kalog” na personalidad ng aktor sa set.
Si Kim ang gaganap sa karakter ni Stephanie Rios sa Pinoy adaptation ng “Start-Up.”
Aabangan ng manunuod ang kaniyang pagtataray sa karakter ni Bea na si Dani Sison.
Ang Start-Up ang kauna-unahang debut acting series ni Bea matapos lumipat sa Kapuso Network.
