Ito ang masayang ibinalita ng Kapamilya star sa kaniyang followers sa social media kasunod ng isang YouTube vlog ngayong Sabado.
Chloe San Jose, mas pinipiling maging 'authentic' na tao kaysa people-pleaser
Apat na buwang nagdadalantao pa lang noon si Angelica nang mag-propose ang boyfriend sa isa nilang beach getaway.
Tila isang video naman ang inilaan para sa anak nila ng aktres ang handog ni Gregg na behind the scenes ng kaniyang intimate proposal.
“Hi baby Bean, just wanted to let you know that daddy is very nervous because he's going to ask your mommy to marry him today. It’s been a bit difficult for daddy to find the time to do this because of all the pregnancy stuff and mom’s been a bit moody lately but it's not her fault,” anang negosyante.
“Daddy loves mommy very much and wants to spend the rest of our lives together. I hope everything goes well. I don't think she has any idea that I’m going to ask her today,” dagdag niya.
Habang nasa harap ng isang dalampasigan, dito na sunod na lumuhod si Gregg at hiningi ang kamay ng aktres.
“Love ko, maraming paraan para sumaya sa buhay na ‘to pero ikaw lang yung kailangan ko. Angelica David Panganiban, will you marry me?” sambit na lang ni Gregg na agad na ikina-emosyonal ni Angelica.
Bagaman hindi agad nasagot, isang siguradong “yes” ang ibinigay ng aktres sa nobyo.
Sa ilang bahagi pa ng vlog, makikita pa ang maya't mayang masaya at emosyonal na si Angelica kasunod ng proposal ni Gregg.
Mahigit dalawang taon nang magkarelasyon ang dalawa. Nitong Setyembre nang isinilang ni Angelica ang kanilang unang supling.
Sa dulo ng vlog, masaya ring inihatid ni Angelica ang good news sa mga malalapit na kaibigan at pamilya.
