ALCALA, Cagayan -- Nasawi dahil sa matinding pinsala sa katawan ang isang 80-anyos na lola nang mabundol ng kotse habang tumatawid sa kalsada sa kahabaan ng National Highway sa Zone 4, Brgy. Baybayog, Alcala, Biyernes ng gabi, Setyembre 30.
Ayon sa pulisya, ang biktima ay nakilalang si Teresita, balo, habang ang suspek na si Aeron Jezrel Valorozo, 26, negosyante, at residente ng Brgy. Tungel, Baggao, Cagayan.
Lumalabas sa imbestigasyon na minamaneho ng suspek ang isang sedan na MG5 na may plate number na NFG 6043 na nakarehistro sa kaniyang pangalan.
Bumabiyahe ang negosyante pa-norte nang aksidenteng mabangga nito ang biktima na tumatawid sa kabilang lane ng kalsada at matamaan nang husto ang kanang paa nito.
OFW na hinoldap, inundayan ng saksak sa terminal sa Maynila, nakauwi na ba sa pamilya?
Ang biktima ay tumilapon sa sementadong kalsada nang humigit-kumulang sampung metro, sabi ng pulisya.
Dinala pa ito sa Alcala District Hospital ngunit idineklara itong dead on arrival ng kaniyang attending physician. Wala namang nasaktan sa sakay ng sangkot na sasakyan.
Sinabi ng suspek na naagaw ng kaniyang atensyon ang ilaw ng isang sasakyan sa katapat na lane dahilan para hindi mapansin ang matatanda.
