Kabogerang cover ng kantang “My All” mula sa classic at award-winning “Butterfly” album ni Mariah Carey ang naging dahilan para mapansin ng American music icon si Tawag ng Tanghalan (TNT) Season 3 grand winner Elaine Duran.
Bilang pagdiriwang sa ika-25 anibersaryo ng “Butterfly” na itinuturing na “cultural reset” at nagbukas sa tuluyang pamamayagpag ng R&B noong huling dekada ’90 at unang bahagi ng 2000’s, nagkasa ng challenge ang “They Have The Range,” isang media broadcasting company.
View this post on Instagram
Blind Item
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Tinawag itong #MyAllChallenge kung saan kailangan kantahin ng singer ang pamatay na piyesang “My All” ng singer-wongwriter.
Isa sa mga kumasa sa challenge ang TNT champ na si Elaine.
Dahil sa kabogerang cover, napansin mismo ni Mariah ang cover ng Kapamilya singer at naitampok pa sa mismong Instagram story nito ngayong Biyernes, Setyembre 30.
“She killed it!!! Wow!!!” komento ni Mariah sa cover ni Elaine.
Ilan pang mga aspiring singer ang naitampok sa nasabing social media page ni Mariah.
Proud naman ang record label na Polaris – Star Magic sa musical feat ng Kapamilya singer.
Ilang Pinoy netizens din ang nagbunyi para sa TNT alumna.
Taong 2019 nang itanghal na kampyeon sa ikatlong yugto ng TNT si Elaine.
