Bagong rekord ang inuwi ng Leyte Normal University (LNU) sa Tacloban City matapos nitong magtala ng 100 percent passing rate at walong topnotchers sa naganap na September 2022 Social Worker Licensure Exam (SWLE).
Ayon sa Professional Regulation Commission (PRC) nitong Miyerkules, nasa 2,955 sa 4,723 examination takers ang pumasa sa SWLE.
Nanguna sa eksaminasyon si Gian Paul Cajilig Salanio (88.80 percent) ng University of the Philippines-Diliman. Sinundan siya sa ikalawang puwesto ni Nevien Siquira Mariz Dandoy (88.20 percent) ng Collegio De San Francisco Javier habang pumangatlo naman ang frontrunner ng LNU na si Fiona Yvannie Tonido Murillo (87.80 percent).
Kinilala bilang top performing schools ang Asian Social Institute, Ateneo de Davao University, Bicol University – Tabaco, Caraga State University – Butuan City, La Verdad Christian College, Leyte Normal University, Notre Dame of Marbel University, and the University of the Philippines – Dilimanna pare-parehong nagtala ng 100 percent passing rate.
OFW na hinoldap, inundayan ng saksak sa terminal sa Maynila, nakauwi na ba sa pamilya?
Binasag naman ng Tacloban-based LNU ang 2019 record nito matapos umangat at mapabilang sa number one spot sa Top 10 performing schools mula ikalawang puwesto noong 2019, ayon sa ulat ng publikasyong "An Lantawan," Miyerkules.
Ang LNU ay nagtala rin ng pinakamaraming topnotchers sa 2022 SWLE na umabot sa walo. Narito ang kabuuang listahan:
4. Sydney Claudelle Miña Aguba, Jeravem Gamao Ortiyas (UP Diliman, 87.60 percent)
5. Gia Santos Evangelista, (UP Diliman, 87.40 percent)
6. Hermie Dawn Ilasin Salmon, (UP Diliman, 87.20 percent)
Percibal Santos Santos, (Colegio De San Gabriel Arcangel)
Geralene Mahinay Terceño, (Leyte Normal University)
7. Eduard Abrera Cañares, Andrei Manalo (Leyte Normal University, 87 percent)
8. Ann Millennie Caballero Antoque, (University of Southern Philippines, 86.40 percent)
Jonna Mae Bongapat Bogñalbal, (Bicol University – Tabaco)
Pamela Jane Rojas Pido, (Leyte Normal University)
Yasmin Cabaling Tanaleon, (Central Philippine University)
9. Bernard Egos Baylon, (Leyte Normal University, 86.20 percent)
Vanessa Biance Matias Macamos, (Bulacan State University)
10. Angelica Mae Alden Ustaris (Universidad De Santa Isabel/College De Sta. Isabel)
Samantala, wala pang anunsyo ang PRC ukol sa online registration para sa pag-isyu ng Professional Identification Card (ID) at Certificate of Registration gayundin ang petsa at venue ng oathtaking ceremony.
