Matapos maging usap-usapan ang larawan ng Kapamilya singer suot ang isang singsing noong Hulyo, kinumpirma na mismo ni Angeline Quinto na engaged na siya sa ama ng kaniyang anak at nobyong si Nonrev Daquina.
Sa kamakailang concert sa Amerika, special mention ang ina ni Nonrev na present sa show ng singer.
“Espesyal ang gabing ito ngayon…. Para sa akin, dahil nandito po sa audience ang soon-to-be mother-in-law ko. Ang nanay po ng aking fiancé ay nandyan,” ani Angeline sa isang video.
Pagpapakasal dahil lang sa anak, 'di bet ni Janella Salvador
Noong Sabado, Setyembre 24, ibinahagi na rin ni Angeline sa kaniyang fans sa pamamagitan ng ilang serye ng Instagram stories ukol sa panibagong yugto ng kaniyang buhay.
“It’s time to write a new story,” mababasa sa mga larawan ng IG story ni Angeline na sinundan ng mga naka-highlight na salitang “fiancé” at “fiancée.”
Babalikan noong Agosto, unang ibinahagi ni Angeline sa publiko ang pinagdaanan ng relasyon nila ni Nonrev.
“Noong una, ayaw ng manager ko sa kaniya. Ako, ang priority ko talaga trabaho. Doon ako nahirapan na sino ba ang uunahin ko,” sey ni Angge sa parehong kuwela at seryosong panayam ng kaibigang si Luis Manzano.
Aminado si Angeline na hindi naging madali para sa kaniya ang sitwasyon nila noon.
“Nahihirapan ‘din ako so ayoko na itago lang sa akin ‘yun. Parang karapatan ni Non na malaman ‘yun since kaming dalawa ang magkarelasyon so sabi sa kanya, ‘Hindi ko alam kung paano yung gagawin ko ngayon.’”
Maging ang Kapamilya singer ay muntik na rin sumuko noon ngunit sa huli, parehong nagpasya ang dalawa na ituloy ang kanilang tinutulang relasyon.
“Tinuloy pa rin namin. Ang dami kong pinaliwanag sa manager ko. Pinakita din naman talaga naming na mahal naming ang isa’t isa. Nung dumating si Sylvio, sobra siyang naging love na rin ng manager ko,” paglalahad ni Angeline sa happy ending pa rin na pagmamahalan nila ni Nonrev.
Noong Abril, isinilang ni Angeline ang unang supling nila ni Nonrev na si Baby Sylvio.
