Mahigit isang linggo matapos tanghaling Idol Philippines Season 2 grand champion, nagbalik-tanaw si Khimo Gumatay sa kaniyang journey at muling pinasalamatan ang mga naging bahagi ng kaniyang tagumpay.
Sa isang Facebook post nitong Linggo, Setyembre 25, abot-abot ang naging pasasalamat ng bagong Kapamilya singer sa mga naniwala sa kaniyang kakayahan.
“Mahigit isang linggo na rin po lumipas pero sobrang dami pong nangyari na biyaya at mga bagay na hindi ko akalain na hahantong ako dito. Noon, ‘di ko talaga pinlano na sumali ng Idol [Philippines]. Pero ngayon sobrang pasalamat ko sa mga taong pumilit at hindi sila tumigil hanggat ‘di ako umoo,’ mababasa sa “appreciation post” ng singer.
Pangako ng singer na lalo pa niyang pagbubutihan ang kaniyang craft.
'Kapal ng pagmumukha!' Appreciation post ni Aljur kay AJ, pinutakti ng netizens
Muli ring pinasalamatan ni Khimo ang bumubuo ng Idol Philippines mula “utilities up to the bosses” lalo na ang mga judges na sna Asia’s Songbird Regine Velasquez-Alcasid, Moira Dela Torre, Gary Valenciano at Chito Miranda.
Isa namang pangako ang itinaga ni Khimo para sa mga Kapamilya.
“Maipapangako ko na mag-se-stay ako dito sa ABS-CBN Entertainment and the network itself kasi ito ‘yung nagbigay sa akin ng blessing and at the same time the opportunity para maiharap yung sarili ko sa maraming tao and somehow makapag-inspire ng tao,” saad ni Khimo at tila pagtalima sa naging kontrobersyal na payo ni Unkabogable Star Vice Ganda.
“Paglalaanan ko talaga ng oras itong ipinagkatiwala sa akin and pagbubutihan ko pa talaga,” dagdag ng singer.
