Lumawak pa ang lugar na apektado ng bagyong 'Karding' matapos isailalim sa Signal No. 2 ang 11 na probinsya sa Luzon nitong Sabado.

Sa weather bulletin ng Philippine Atmospheric, Geophysical and Astronomical Services Administration (PAGASA), itinaas sa Signal No. 2 ang southeastern portion ng Isabela na kinabibilangan ng Dinapigue, Jones, San Agustin, Echague, San Guillermo, at San Mariano, Nagtipunan at Maddela sa southeastern portion ng Quirino, Alfonso Castañeda sa southeastern portion ng Nueva Vizcaya, eastern portion ng Nueva Ecija (Bongabon, Laur, Palayan City, General Tinio, Gabaldon, Pantabangan, Rizal), Aurora, eastern portion ng Bulacan (Doña Remedios Trinidad, Norzagaray), eastern portion ng Rizal (Rodriguez, City of Antipolo, Tanay), eastern portion ng Laguna (Santa Maria, Famy, Siniloan, Pangil, Pakil, Paete, Kalayaan, Lumban, Cavinti), northern, central portions ng Quezon (General Nakar, Pollilo Islands, Infanta, Real, Mauban, Perez, Alabat, Quezon, Calauag, Tagkawayan, Guinayangan), northwestern portion ng Camarines Sur (Del Gallego, Ragay, Lupi, Sipocot), at Camarines Norte

Nasa Signal No. 1 naman ang 30 pang lalawigan: 

Probinsya
64-anyos, natagpuang patay sa dalampasigan sa Samar

64-anyos, natagpuang patay sa dalampasigan sa Samar

  • Southern portion ng Cagayan (Peñablanca, Iguig, Tuguegarao City, Enrile, Solana, Tuao, Piat, Amulung, Rizal)
  • Nalalabing bahagi ng Isabela
  • Quirino
  • Nueva Vizcaya
  • Conner na nasa southern portion ng Apayao
  • Abra
  • Kalinga
  • Mountain Province
  • Ifugao
  • Benguet
  • Southern portion ng Ilocos Norte (Nueva Era, Badoc, Pinili, Banna, City of Batac, Currimao, Paoay, Marcos)
  • Ilocos Sur
  • La Union
  • Pangasinan
  • Nalalabing bahagi ng Aurora
  • Nueva Ecija
  • Tarlac
  • Bulacan
  • Pampanga
  • Zambales
  • Bataan
  • Metro Manila
  • Northern, central portions ng Quezon (Tagkawayan, Lopez, Guinayangan, Gumaca, Pitogo, Unisan, Agdangan, Padre Burgos, Pagbilao, City of Tayabas, Lucban, Sampaloc, Mauban, Atimonan, Plaridel, Perez, Alabat, Quezon, Calauag, Lucena City, General Nakar, Real, Infanta)
  • Rizal
  • Laguna
  • Cavite
  • Northern portion ng Batangas (Malvar, Balete, City of Tanauan, Santo Tomas, Talisay, Laurel);
  • Camarines Norte
  • Northern, eastern portions ng Camarines Sur (Del Gallego, Ragay, Lupi, Sipocot, Siruma, Tinambac, Goa, Lagonoy, Garchitorena, Caramoan, Presentacion, San Jose); at
  • Northern portion ng Catanduanes (Pandan, Caramoan, Bagamanoc, Panganiban, Viga, Gigmoto).

Sinabi ng PAGASA, lumakas pa ang bagyo habang kumikilos patungong kanluran timog kanluran ng Philippine Sea na nasa silangan naman ng Aurora.

Sa pagtaya ng PAGASA, lalakas pa ang bagyo sa susunod na 24 oras.

Huling namataan ang sentro ng bagyo 475 kilometro silangan ng Baler, Aurora na kumikilos pa-kanluran timog kanluran sa bilis na 25 kilometer per hour (kph).

Taglay din nito ang hanging 110 kph malapit sa gitna at bugso nitong hanggang 135 kph.

Babala ng PAGASA, makararanas ng matinding pag-ulan sa Aurora, Nueva Ecija, Tarlac, Pangasinan, at sa northern portion ng Zambales sa susunod na 24 oras.

Makararanas naman ng katamtaman at malakas na pag-ulan sa nalalabing bahagi ng Central Luzon, gayundin sa 

Cagayan, Isabela, Quirino, Nueva Vizcaya, Cordillera Administrative Region, Ilocos Provinces, La Union, Metro Manila at Region 4A (Calabarzon).

Inalerto rin ng ahensya ang mga residente dahil posibleng magkaroon ng flash flood at landslide.

Sa pagtaya pa ng PAGASA, hahagupit ang bagyo sa silangang karagatan ng Aurora o northern portion ng Quezon sa Linggo ng hapon.

"While it is likely for this tropical cyclone to slightly weaken due to land interaction during its traverse over Central Luzon, it is highly likely that KARDING will remain a typhoon while crossing the landmass," babala pa ng PAGASA.