Nag-react ang showbiz columnist na si Cristy Fermin sa naging pahayag ng aktor na si Markus Paterson tungkol sa ex at ina ng kaniyang anak, na si Janella Salvador.
Nagkahiwalay man ang mga landas, hindi na raw mawawala sa puso ng aktor si Janella, ayon sa naging pahayag niya sa latest episode ng "Boys After Dark" ng Rise Artists Studio YouTube channel.
Ayon kay Markus, malaki ang paggalang niya sa ina ng kaniyang anak, dahil nakita raw niya kung paano ito nag-grow bilang babae at bilang isang ina.
"I respect Janella to the utmost of my ability. The woman that she's become, the mother that she's become. I will love her forever. She's given me the best gift of my life. 'Yun lang…"
50.78% examinees, pasado sa Nov. 2024 Licensure Exam for Agriculturists
Giit pa niya, "She's an amazing mother and I'm trying to be an amazing father…"
At kung may malaking biyaya man daw silang natanggap sa buhay nila, ito ay ang pagdating ni Jude.
"Biggest blessing, of course, yeah, Jude. Jude is for sure my biggest blessing. And the fact that she's the one who gave him to me, I will never not love her. Maybe not romantically anymore but she will always be a huge part of my heart," pahayag pa ni Markus.
Basahin: https://balita.net.ph/2022/09/19/i-will-love-her-forever-markus-pinuri-si-janella-dahil-sa-pagiging-mabuting-ina-kay-jude/">https://balita.net.ph/2022/09/19/i-will-love-her-forever-markus-pinuri-si-janella-dahil-sa-pagiging-mabuting-ina-kay-jude/
Bagay na nireaksyunan naman ni Cristy sa September 20 episode ng "Cristy Ferminute". Inilarawan ni Cristy si Markus na "mahilig maghugas ng kamay". Naungkat ng showbiz columnist ang naunang pahayag noon ni Markus na huwag makikipag-date sa mga taga-showbiz.
Basahin: https://balita.net.ph/2022/09/05/maanghang-na-realization-ni-markus-paterson-never-fcking-date-someone-in-the-industry/">https://balita.net.ph/2022/09/05/maanghang-na-realization-ni-markus-paterson-never-fcking-date-someone-in-the-industry/
Marami sa mga netizen ang nagsabing nagbibigay siya ng "shade" sa naging relasyon nila ni Janella; kumbaga, batay sa karanasan.
Subalit biglang kumambyo si Markus at sinabing hindi naman daw si Janella ang pinapatungkulan niya.
Basahin: https://balita.net.ph/2022/09/10/markus-nagsalita-na-ukol-sa-naging-pahayag-niya-it-wasnt-actually-about-her/">https://balita.net.ph/2022/09/10/markus-nagsalita-na-ukol-sa-naging-pahayag-niya-it-wasnt-actually-about-her/
"Dapat mag-alcohol ka pa para hindi ka nalalagay sa alanganin. Eh papaano yung mga pinagsasabi mo na 'wag makikipag-date sa taga-showbiz? Bakit, gusto ka rin ba ng mga taga-showbiz?" maanghang na pahayag ni Cristy.
Banat pa ni Cristy, "Naku, tantanan mo kami, Markus Paterson. Madaldal kang masyado. May langis ang dila mo. Wala ring goma. Walang goma, tuloy-tuloy. Lastikuhan mo 'yan nang nababantayan mo"
"Matapos mo magsalita ng kung ano-ano tungkol kay Janella, ngayon babawiin mo? Na mamahalin mo siya forever? Sabihin mo 'yan sa mga marino," dagdag pa nito.
Samantala, wala pang tugon, reaksiyon, o pahayag si Markus o Janella patungkol sa isyu.
