Naging tapat ang sikat na celebrity doctor na si Dra. Vicki Belo na medyo na-confuse siya kung magagalit o mapa-flattered ba siya sa pag-iimpersonate sa kaniya ni Xilhouete, isa sa mga kalahok ng pinag-uusapang "Drag Race Philippines" hosted by Paolo Ballesteros na napapanood sa HBO Go.
"Snatch Game" ang naging tema ng episode kung saan ginaya ng kalahok si Dra. Belo, bilang "Dra. Viki Belo". Kailangan nilang mamili ng best celebrity na maaari nilang ma-impersonate.
Makikitang hindi gumagalaw si Xilhouete bilang Dra. Vicki Belo sa naturang snatch game.
"Okay guys, that was really funny! I don’t know whether to be angry or flattered, but I choose flattered because I know you have to be famous to be impersonated. Congratulations, Xilhouete for winning and for impersonating me very well. Anyway guys, I can move, huh!" saad ni Belo sa isang 43-second reaction video na makikita sa kaniyang TikTok account.
DepEd, sinabing walang korapsyon sa pamumuno ni Sonny Angara
Ibinahagi naman ito ni Belo sa kaniyang Instagram account. Inaya niya si Xilhouete na mag-collab sila sa isang vlog.
"Ang funny , right ?? 😂 congrats @xilhouete on your ru badge and so glad it was with me 😜 should we vlog ?? #dragraceph," aniya.
"Labyu doc!" komento naman ng host na si Paolo B sa comment section nito.
Kamakailan lamang ay pinag-usapan ang mga video ni Dra. Belo dahil sa panggagaya niya sa Blackpink members.
