Habang nagbabakasyon pa rin sa Amerika, tila treat naman ni Kapuso actress Gabbi Garcia sa sarili sa pagbili nito ng nakakalulang luxury item.
Sa kaniyang Instagram update, ibinahagi ni Gabbi sa kaniyang milyun-milyong followers ang panibagong katas ng kaniyang showbiz career.
“She’s a happy happy girl,” mababasa sa caption ni Gabbi sa kaniyang unboxing video sa Instagram.
Isang Chanel classic handbag ang bagong investment ni Gabbi sa sarili matapos ang kaliwa’t kanang endorsements at TV projects.
JC De Vera, na-offend sa 'biro' ni Alex Gonzaga
Pasok din ang naturang disenyo na pinili ni Gabbi sa “Chanel’s 10 Most Classic Bags and Popular Purses of All Time” ng isang lifestyle portal.
Nakakalulala naman ang halaga ng naturang bag lalo pa sa humihinang halaga ng piso kontra dolyar.
Sa US official website ng Chanel, nasa $8,200 o mahigit P470,000 ang naturang disenyo ng bag habang sa online store na FarFetch, nasa $12,139 o mahigit P695,000, ang pre-owned ng parehong item.
Masaya naman ang kapwa artistang sina Maine Mendoza, Iza Calzado bukod sa iba pa sa luxury treat ng aktres sa sarili.
Kasalukuyang nasa Amerika pa rin si Gabbi para sa kanilang bakasyon ng boyfriend na si Khalil.
