Mukhang hindi lamang ang mga netizen ang naalarma at naapektuhan sa viral video ng isang lalaking naispatang nambubulyaw at nang-aaway ng mga empleyado ng isang convenience store sa Chino Roces Avenue, Makati City matapos madikit sa wet paint ang kaniyang mamahaling damit.
Isa na rito si TV host-trivia master ng GMA Network na si Kuya Kim Atienza.
Basahin: https://balita.net.ph/2022/09/14/kelot-nag-alburuto-nang-away-ng-mga-staff-ng-isang-convenience-store-dahil-sa-wet-paint/">https://balita.net.ph/2022/09/14/kelot-nag-alburuto-nang-away-ng-mga-staff-ng-isang-convenience-store-dahil-sa-wet-paint/
Batay sa kumakalat na video, maririnig na inaawat siya ng ilang staff habang pinagmumura ng lalaki ang makaraang malagyan ng pintura ang kanyang damit.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
"Sorry? 3,500 'tong pantalon ko! 'Tong damit ko, put* ina, tatlong libo!" aniya. "Wala kayong signage diyan, warning! Bobo!"
Hindi nakuntento, itinulak pa niya at tila inambaang susuntukin ang isang staff na tinawanan daw siya nang madikit siya sa wet paint.
Makikitang dumating ang isang sekyu na ilang minuto munang nakamata sa mga nangyari. Maya-maya, umalis ito at pagdating ay may kasama nang lalaking nakasumbrero at jacket na siyang kumausap sa nag-aalburotong lalaki.
Hindi naman matukoy ang pagkakakilanlan ng naturang lalaki subalit nagpuyos ang damdamin ng mga netizen laban sa kaniya.
Nagkomento naman sa viral video si Kuya Kim.
"Who can identify this man? Any leads appreciated. Thank you," aniya.
Hindi naman tinukoy ni Kuya Kim kung bakit niya pinagtatanong-tanong ang identidad ng naturang lalaki.
Hanggang ngayon, wala pang nakakatukoy sa identidad ng naturang lalaki.
