Diretsahang itinanggi ng aktres na si Barbie Imperial na hindi lang “normalan” ang namagitan sa kanila noo'y na-link at dating ka-love team na si JM De Guzman.
Sa pinakahuling Youtube vlog ng aktres, sinagot ng dalaga ang ilang kontrobersiyal na chismis ukol sa kaniya.
Kabilang nga sa mga pinabulaanan ni Barbie ang tungkol sa namagitan sa kanila noon ni JM.
Ayon kasi sa isang intriga, “fubus” or “f*ck buddies” lang umano sila noon dahilan para sa walang label nilang relasyon.
Maris, namundok matapos maeskandalo kay Anthony
“Uy grabe, hindi naman ‘fubus.’ May emotions naman ‘yun. Saka wala namang nangyari sa… joke lang,” natatawang agad na depensa ni Barbie.
“Hindi, it wasn’t just ‘fubu.’ Ako siyempre ni-love ko talaga si [J]M. ‘Di ba nga sabi ko sa recent vlog ko na kahit hindi ex minahal pa rin talaga. Hindi. Hindi kami FUBU, may emotions ‘yon. Like, minahal talaga,” paglilinaw ng aktres.
Matatandaan na na-link ang dalawa noong 2019 matapos ang pinag-usapang proyektong “Precious Hearts Romances: Araw Gabi” sa Kapamilya Network.
Pagkukumpirma rin ni Barbie noon, parehong “wasak” sila noon ni JM dahilan para hindi na nagtuloy-tuloy ang kanilang relasyon.
“Kakabreak ko lang din po noon e, kay Paul [Salas]. Parang masyadong mabilis. July nung nag-break kami ni Paul tapos si [J]M kasi lagi siyang nandoon talaga para sa’kin eh,” pagdedetalye ni Barbie sa isang panayam noon 2019.
Dagdag niya, pareho rin silang nagpapagaling noon ni JM nang maging malapit sa isa’t isa.
“Sinabi naman po namin dati na parang ‘di pa siya okay din. So parang kaming dalawa po, dalawang tao na wasak. Tinatry namin parehong ayusin ‘yung isa’t isa. Buoin ‘yung isa’t isa.
“Pero hindi po pala pwede ‘yon. Dapat parang meron at least isang tao na buo kasi ang hirap kung wasak ka na nga, tapos wasak din ‘yung aayusin mo. Paano mo aayusin ‘yung sarli mo?” dagdag niya.
Sa parehong vlog, pinabulaanan din ng aktres ang mga intrigang tungkol sa kaniya sangkot si Sandro Marcos, Xian Lim at Daniel Padilla.
Aminado naman ang aktres ngayon na may dine-date siyang isang politiko.
