Pak na pak at pasabog talaga ang naging see-through dress ng Kapamilya actress na si Chie Filomeno nang dumalo siya sa isang lifestyle magazine ball kamakailan lamang.
"Now let’s hear it for the back of the dress 👏🏻," caption ni Chie kalakip ang mga litrato niya, sa kaniyang Facebook post noong Setyembre 2, 2022.
'Back to you mamang!' Chloe, rumesbak kay Ai Ai matapos hiwalayan ni Gerald?
"Thank you so much @previewph for letting me be part of a wonderful night celebrating the wins of our people in the industry."
Pinasalamatan din ni Chie ang kaniyang glam team na nagpabongga pa sa kaniyang glitz and glamour noong gabing iyon.
Puring-puri naman ng mga tagahanga at tagasuporta niya ang "hubadera outfit" niya.
"Ang sexy… pag ako nagsuot nito, para akong isdang nahuli sa lambat."
"Napakaganda at sexy! Para kang diyosa ng karagatan!"
"Absolutely gorgeous!"
"Ang ganda mo palagi!"
"Ibang klase sa pa-see through girl! You nailed it!"
Sa kabilang banda, may mga nagbiro naman sa kaniyang paraan ng pananamit at inihalintulad ito sa kulambo at lambat.
"Pasoli na lang ng kulambo, di kasi ako makatulog pag walang kulambo sa paa. Salamat…"
"Ayun andiyan pala yung kulambo na matagal ko nang hinahanap."
"Di na siya makakagat ng lamok habang gumagala, talino ah."
"Lambat nakahuli ng malaking isda."
"Chie pakibalik na yung kulambo namin galit na mama ko pls."
Subalit may mga netizen naman na tila hindi pinalagpas ni Chie ang komento, lalo na ang nagsabing wala siyang respeto sa pagiging isang dalagang Pilipina.
"Lola… daming hanash. Daig mo pa po ang manager ko ah?" aniya.
Isang netizen naman ang nagsabing baka swimming party raw ang dadaluhan niya.
"Yes, I will Tita… Join ka po?"
Sa isa namang nagsabi sa kaniya na sexy nga ang outfit niya subalit hindi dapat isinisuot at iniaangkop sa okasyon, "I can and I just did!"
Nasabi na lamang ni Chie na nakaka-entertain daw ang pagsagot sa mga hanash ng bashers sa Facebook.
