Nabagbag ang damdamin ng mga netizen sa pagtatagpo ng misis ng aktor na si Andrew Schimmer, na si Jorhomy “Jho” Rovero na kasalukuyang nakaratay sa ospital, at ang kanilang bunsong anak na lalaki, matapos nitong dalawin ang ina.
Matatandaang naisugod sa nai-confine sa Intensive Care Unit o ICU ng St. Luke's Medical Center sa BGC, Taguig ang asawa ni Andrew dahil sa matinding asthma attack, na nagresulta sa atake sa puso at brain hypoxia.
Nitong Setyembre 7, 2022, nagsagawa ng Facebook Live si Andrew upang magbigay ng update sa kalagayan ng kaniyang misis. Makikitang kaagad na yumakap ang anak sa kaniyang mommy. Ang misis naman niya, makikitang nais ding yumakap sa anak subalit hindi pa ito makagalaw nang husto.
Jude Bacalso, nanindigang valid complaint pagtawag ng 'Sir' sa kaniya ng waiter
Bumaha naman ng reaksiyon at komento sa comment section nito.
"Nakakaiyak talaga ang nangyari sa kaniya… na-touch ako sa mga pinagsasabi ng anak niya napaka-sweet na bata… Sana LORD hawakan n'yo po ang kaniyang buong katawan para gumaling na po siya… inip na inip na po ang kaniyang pamilya na makasama siya… Amen."
"Sending prayers, praying for her fast recovery."
"Hoping na gumaling na siya, Andrew! We will pray for her fast recovery!"
Sa isang panayam, naluha si Andrew nang ibahagi niya ang suporta at tulong na natatanggap ng kaniyang pamilya mula sa iba’t ibang tao, karaniwan man o celebrity, para kahit paano'y makabawas-bawas sa mga gastusin nila sa ospital.
Isa sa mga pinasalamatan ni Andrew ay ang tulong na ipinagkaloob sa kaniya ni Coco Martin.
