Marami ang nagulat sa isinagawang pag-amin ng vlogger na si "Pambansang Kolokoy" Joel Mondina na hiwalay na sila ng misis na si Marites Mondina, na palagian niyang kasama sa kaniyang mga vlog, lalo na sa Mukbang.
Nag-uusisa na kasi ang followers nila kung bakit hindi na nila nakikita si Marites sa mga vlog ni PK. Dito na umusbong ang mga haka-hakang baka nagkakalabuan na ang dalawa.
Kaya minabuti na ni PK na basagin na ang katahimikan. Isang vlog na pinamagatang "Peace of Mind" ang kaniyang inupload sa YouTube channel noong Agosto 28, upang ilahad sa kaniyang mga tagahanga at tagasubaybay ang kanilang sitwasyon ngayon ni Marites. Sinimulan niya ang vlog sa pagpapasalamat sa kaniyang mga subscribers.
Basahin: https://balita.net.ph/2022/08/31/vlogger-na-si-pambansang-kolokoy-aminadong-hiwalay-na-sa-misis-masaya-na-sa-piling-ng-iba/">https://balita.net.ph/2022/08/31/vlogger-na-si-pambansang-kolokoy-aminadong-hiwalay-na-sa-misis-masaya-na-sa-piling-ng-iba/
Chloe, matapang na niresbakan nagsabing niretoke ilong niya
"Yes, mga kaibigan, me and Marites are no longer together. Wala na po kami ni Marites," pag-amin ni PK.
Ayaw pa sanang magsalita ni PK dahil sa prosesong pinagdaraanan nila, subalit minabuti na niyang magsalita at magpaliwanag dahil dumarami ang mga nagtatanong sa kaniya.
Inamin ni Pambansang Kolokoy na may karelasyon na siyang iba, at masaya sila sa piling ng isa't isa.
"Yes, I'm with someone else now, and we're happy. Masaya kami. At hindi naman po ako nagsisisi na nangyari 'yon…"
Ayaw raw niyang magsalita ng hindi maganda tungkol kay Marites lalo at may masasayang pinagsamahan naman sila at ina ito ng kaniyang mga anak.
May mga bagay raw na nangyayari sa kanilang personal na buhay na hindi na nila ipinaaalam at ipinakikita sa vlog; kaiba sa mga nakikita at napapanood ng mga tao, na masayang-masaya sila. Marami raw mga nangyayari sa likod ng camera na hindi alam ng mga tao, at minamabuti na nilang hindi ipinakikita sa kanilang vlog.
Sinagot din ni PK kung kumusta naman ang relasyon niya sa mga anak nila. Sinabi naman niyang okay sila at maayos ang kanilang relasyon.
"They are very okay. Lahat po ng gusto nila, lahat ng hilingin nila, kahit na hindi ko kaya, kinakaya ko. Dahil anak ko po ang mga iyon, mga bestfriends," pahayag niya.
"Hindi po ako pabayang ama… hindi ko po pababayaan ang mga anak ko. Hindi ko rin naman sisiraan si Marites…" aniya pa.
Hindi rin umano namimilit si PK na manatili ang kaniyang mga subscriber dahil sa mga nangyari, lalo't marami-rami ang mga nagsabing ngayong wala na si Marites sa kaniyang vlog, hindi na nila siya susuportahan.
Nangako naman si PK na hinihintay lamang niyang matapos ang binanggit niyang prosesong pinagdaraanan nila, at pagkatapos niyon ay maglalabas pa siya ng iba pang mga video.
Marami sa mga tagahanga at tagasubaybay nila ang labis na nalulungkot sa mga nangyari.
Kaya naman, binalikan at tila sinumbatan ng mga netizen ang Facebook post ng vlogger noong Nobyembre 21, 202o tungkol sa naging payo niya sa mga lalaki.
Inihalintulad niya ang pakikipagrelasyon sa isang ulam, partikular sa adobo.
"Mga boys payong kapatid lang so STOP, READ and LISTEN. Ganito kasi yun, ang relasyon parang ulam lang yan. Kung may adobo ka na, huwag ka nang maghahanap ng sinigang. Initin mo na lang yung adobo nang paulit-ulit."
Narito ang naging komento ng mga netizen.
"Ano nang nangyari PK, naghanap ka na ba ng sinigang?"
"Idol ko pa naman sila mag-asawa, tapos ganun na lang matatapos ang 20 yrs. Akala natin happy happy lang. Anyway, sana happy ka sa BAGO mo like what you've said na masaya na kayo ng bago mo… buhay n'yo naman 'yan. Sayang lang naging idol ko pa nam n kayo kasi ang cool n'yo mag-asawa."
"Eh tinamad si mokong mag-init ng adobo hayun naki-fiesta! HAHAHAHAHA."
"Ano ulit?"
"Nagsawa na sa adobo."
"I read a lot of comments here, good and bad… but everyone has no idea on what really happened to them… let's just respect the couple on what happened in their relationship and stop dragging them all over the social media… Let's just thank them because at some point of our life, especially when we are in some struggles, these couples made us laugh!"
Samantala, wala pang tugon, reaksiyon, o pahayag si Pambansang Kolokoy tungkol dito.
