Matatandaang noong Hulyo, lumabas ang ilang ulat ukol sa umano’y nilulutong tambalan sa pagitan nina James Reid at Liza Soberano.
Paglilinaw naman ni James, wala pa sa kaniyang plano ngayon na sumabak muli sa pag-arte.
“‘I’ve been working on an album all year so it’s coming out in October. So I’m putting all my efforts in acting into Liza,” ani James sa isang panayam ng ABS-CBN.
Jude Bacalso, nanindigang valid complaint pagtawag ng 'Sir' sa kaniya ng waiter
Base sa mga Instagram updates ng singer-actor-producer, mapapansing pabalik-balik ng Los Angeles si James para sa ilang inihahandang projects.
“I can’t imagine me doing acting now. There’s a lot I’m doing,” ani James na nakatutok ngayon sa kaniyang music career.
Proud naman bilang manager ni Liza si James sa nasungkit nitong Hollywood role sa pelikulang “Lisa Frankenstein” kung saan gaganap si Liza bilang "Taffy."
“Honestly, incredible. I think she’ll be making history as a Filipina actress. This is just the beginning,” pagmamalaki ni James.
Dagdag niya, naging madali lang sa management na hanapan si Liza ng oportunidad para sa kaniyang inaasam na Hollywood dream.
“All we did was open the right doors. But it was really really Liza that landed the role. She sent in audition tapes and they got her. She’s up against some other talented actors but she landed the role,” dagdag ni James.
Noong Hunyo nang opisyal na marekrut ng management ni James si Liza.
