Pinasalamatan ni Unkabogable Vice Ganda si TV5 news anchor Gretchen Ho matapos nitong humingi ng paumanhin sa maling ulat hinggil sa naging "hidwaan" umano nila ni Kapuso Primetime Queen Marian Rivera, na natuldukan na raw matapos magkita sa isang dinaluhang ball kamakailan lamang.
Basahin: https://balita.net.ph/2022/09/01/parang-ang-bango-bango-ng-kilikili-lagi-marian-rivera-most-beautiful-celeb-para-kay-vice-ganda/">https://balita.net.ph/2022/09/01/parang-ang-bango-bango-ng-kilikili-lagi-marian-rivera-most-beautiful-celeb-para-kay-vice-ganda/
Iniulat ito sa showbiz news segment ng programang "Frontline sa Umaga" ng TV5.
"Ha??????!!!!!!!!!!! San galing ang balitang to?????? Nagkaissue kami? Iringan??!!!!! Pauso! Yuck! Super yuck! Mema???!!!" pahayag ni Vice nang i-retweet niya ang isang deleted tweet ng News5.
Carlos Yulo, wala pa raw naibibigay na tulong sa pamilya kahit palihim na abot?
Dagdag pa niya sa isa pang bukod na tweet, "Super kadiri yung mga balitang mema! Eeeooooowwwwww!!!! Clickbait???!!!! Fake news????!!!! TAE!"
Kaagad namang nag-react dito si Gretchen at humingi na rin ng dispensa sa komedyante-TV host.
"Hi Vice, will investigate and send this to our producers."
Kaagad namang humingi ng paumanhin ang pamunuan ng News 5.
Inilabas naman ng News5 sa kanilang Twitter account ang video clip ng paghingi nila ng paumanhin. Niretweet naman ito ni Gretchen at humingi ulit ito ng paumanhin sa dalawang showbiz personalities na nasangkot sa maling balita.
"We issued an erratum this morning on #FrontlineSaUmaga for yesterday’s erroneous news report. Rest assured, we are reviewing internal processes to make sure this doesn’t happen again. Apologies to @vicegandako and Ms. Marian Rivera. We will do better," tweet ni Gretchen.
Basahin: https://balita.net.ph/2022/09/02/vice-ganda-umalma-sa-fake-news-ukol-sa-iringan-daw-nila-ni-marian-rivera-news-outlet-humingi-ng-paumanhin/">https://balita.net.ph/2022/09/02/vice-ganda-umalma-sa-fake-news-ukol-sa-iringan-daw-nila-ni-marian-rivera-news-outlet-humingi-ng-paumanhin/
Nagpasalamat naman si Vice Ganda sa ginawa ni Gretchen at sinabing na-appreciate niya ito.
Bago ito, pinalagan din ni Vice Ganda ang mga na-headline sa iba't ibang pahayagan na nagkaayos na umano sila ng stand-up comedian na si Ate Gay. Hindi raw sila nagkaroon ng di pagkakaunawaan.
