Ibinahagi ni "Badjao Girl" at dating housemate ng "Pinoy Big Brother" na si Rita Gaviola ang ginagawa niyang pagpapatuloy sa pag-aaral habang nag-aalaga sa kaniyang bagong silang na anak.
Makikita sa Instagram post ni Rita noong Setyembre 1 ang litrato ng paggawa niya ng assignment habang inaalagaan ang kaniyang baby.
Aminado si Rita na mahirap ang ginagawa niya, subalit kinakaya naman niya ang lahat.
"Mahirap pero kakayanin para sa pangarap psst hahaha may batang ayaw matulog sa higaan," aniya sa caption.
Pagpapakasal dahil lang sa anak, 'di bet ni Janella Salvador
Nagbigay naman ng encouraging words ang mga netizen.
"You have nice handwriting, Rita! Aim for the diploma. YOU CAN DO IT!!!!"
"Hangga't di ka sumusuko kakayanin mo lahat."
"Don't give up."
"Kaya mo 'yan!"
"Laban lang sa life Rita!
Sa kasalukuyan ay Grade 12 student si Rita sa isang paaralang sa Quezon City.
Matatandaang noong Agosto, marami ang nagulat sa biglang pagbulaga ni Rita sa social media na may kalong-kalong na isang cute baby, na walang iba kundi ang anak nila ng kaniyang non-showbiz boyfriend.
Basahin: https://balita.net.ph/2022/08/09/badjao-girl-rita-gaviola-nanay-na/">https://balita.net.ph/2022/08/09/badjao-girl-rita-gaviola-nanay-na/
Mahal ko kayo," caption ni Rita sa kaniyang IG post. Bukod sa sanggol ay kasama niya rito ang partner.
"Sa mga na-disappoint or marami pang sasabihin sa akin buhay ko iyong tinatahak ko saka marami pa akong kayang gawin and maraming salamat po sa mga sumusuporta kasama na namin si baby Kia sa susunod na mga vlog namin," ani Rita.
Naungkat tuloy ng mga netizen ang ginawa niyang pagtanggi noon sa pregnancy rumors na ipinukol sa kaniya sa TikTok video niya noong Hunyo.
Basahin: https://balita.net.ph/2022/06/09/opo-buntis-ako-sabi-ng-hula-mo-badjao-girl-rita-gaviola-inintrigang-buntis/">https://balita.net.ph/2022/06/09/opo-buntis-ako-sabi-ng-hula-mo-badjao-girl-rita-gaviola-inintrigang-buntis/
Maraming nakapansing tila nanaba raw ang sumikat na si Badjao Girl matapos itong maispatan at makuhanan ng litrato ng isang turistang photographer.
"Hahaha opo buntis ako sabi ng hula mo," pambabara ni Rita sa nagkomentong mukha siyang buntis.
May mga netizen pang naging "below the belt" at nanlibak sa kaniya, at sinabing baka gamitin ni Rita ang sanggol sa pamamalimos sa kalsada, kagaya umano ng ginagawa ng ibang Badjao sa mga pampasaherong sasakyan.
Narito pa ang ilang reaksiyon at komento ng mga netizen:
"Sayang ka!"
"Sa hirap ng buhay ngayon dapat career first bago ang lovelife… gatas ni baby napakamahal… renta pa sa bahay, susmio kastress magpamilya… career muna!!!"
"Sayang akala ko pa naman magiging beauty queen ka… pero life goes on whatever path you have chosen."
Sa isa pang Instagram post, ibinahagi ni Rita ang litrato ng mukha ng kaniyang baby.
"Sabihan ninyo lang ako masasakit na salita kahit laitin n'yo ako okay lang sa akin basta wag ninyo lang idamay ang anak ko tatanggapin ko lahat ng masasakit wag lang anak ko," ani Badjao Girl.
Sa kabilang banda, marami rin ang nagbigay ng comforting words at payo sa kaniya ngayong isa na siyang ganap na ina.
"Don’t mind them. Whatever you do may masasabi talaga yung tao. As long as the baby is well taken care of and wala kayong inaagrabyadong tao then that’s fine. Best of everything to you as you experience this amazing gift of motherhood!"
"Congrats, Rita! I know proud ka kay Baby, sino ba naman hindi pag super cutie.. but limit sharing his/her photos in socmed for his/her protection…"
"Wishing you and your small fam a healthy and abundant life… dedma sa mga bashers, nakakapanget 'yon."
"Focus on your health muna, recover physically, emotionally, mentally… and of course kay Baby. Don’t waste your energy, iha. Motherhood is a lot but I'm sure with your partner beside you, you can do it!"
"It's a blessing my dear! Gumanda ka pa lalo… be a good mom and wife. Ignore those people na walang ambag sa buhay mo Ineng! Saan ka masaya doon ka… GB you and your family."
"Napakagandang blessing galing sa panginoon. Hindi lahat ng babae nabibiyayaan ng isang baby. Kaya masarap talaga tingnan at saludo ako sa mga babae na isang proud mommy."
Sa "Bawal Judgmental" ng noontime show na "Eat Bulaga" kung saan naging guest siya, inamin niyang nasasaktan siya sa masasakit na salitang ibinabato sa kaniya ng mga netizen kaugnay ng kaniyang maagang pagbubuntis.
Ilan sa mga masasakit na salitang natanggap niya ay "bobo" raw siya at "inuna pa ang kalandian" kaysa atupagin ang pag-angat ng kaniyang showbiz career.
"Sobrang sakit kasi hindi nila alam yung dinadanas ko," ani Rita.
"Parang ang dali sa kanilang manghusga ng tao na hindi nila kilala yung personality talaga, so masakit."
Muli niyang inulit ang pakiusap sa mga netizen, na sana ay huwag i-bash o idamay ang kaniyang anak na walang kamuwang-muwang.
Basahin: https://balita.net.ph/2022/08/16/rita-gaviola-emosyunal-tinalakang-sinayang-ang-career-inuna-pa-kalandian-ng-bashers/">https://balita.net.ph/2022/08/16/rita-gaviola-emosyunal-tinalakang-sinayang-ang-career-inuna-pa-kalandian-ng-bashers/
Napapawi raw ang sakit ng kaniyang damdamin kapag nakikita na niya ang maamong mukha ng kanilang anak.
Samantala, wala pang detalye kung kailan ang binyag ng baby at kung ano-ano pa ang susunod na plano ng magkasintahan ngayong may anak na sila.
