Muling itinanggi ni “It’s Showtime” host Vhong Navarro ang kasong rape na isinampa laban sa kaniya ni Deniece Cornejo habang aminadong tanging ang kasalanan niya lang noon ay “niloko” niya ang kaniyang girlfriend at kalauna’y napangasawang si Tanya Bautista.
Ito ang agad na reaksyon ng comedian-host matapos siyang sampahan ng Taguig Prosecutor’s Office sa Taguig City Regional Trial Court noong Miyerkules, Agosto 31.
“Ang pagkakasala ko, ang kasalanan ko dito ay yung niloko ko yung girlfriend ko noon at ito na yung wife ko ngayon,” ani Vhong sa isang panayam ng ABS-CBN nitong Huwebes.
Taong 2019 nang ikasal si Vhong kay Tanya sa Japan, limang taon matapos ang pinag-usapang pambubugbog sa aktor noong 2014 sangkot sina Cornejo, Cedric Lee at Jed Fernandez
Carlos Yulo, wala pa raw naibibigay na tulong sa pamilya kahit palihim na abot?
“Nilahad ko yung istorya ko at yun lahat ang katotohanan. Lahat ng binibintang nila sa akin ay hindi totoo yun. At ako’y nagsasabi ng totoo at alam ng Panginoon yun na nagsasabi ako nang totoo,” dagdag ni Vhong.
Wala pang pahayag ang kampo ni Cornejo sa paggiit ni Navarro na siya’y inosente sa kaso.
