Usap-usapan ngayon sa social media ang ginawang pagbati ng beauty queen na si Francesca Taruc, kinoronahang Miss Freedom of the World Philippines 2018, Miss Tourism World Intercontinental 2019, at iba pa, matapos niyang batiin ng maligayang kaarawan ang basketbolistang si Dwight Ramos.
Si Dwight Ramos, ay Filipino-American point guard ng Philippine Men's National Basketball Team na mas kilala bilang "Gilas Pilipinas."
Sa kaniyang Facebook post nitong Biyernes, Setyembre 2, makikitang ibinahagi ni Francesca sa kaniyang Facebook post ang isang FB page na bumabati kay Dwight ng Happy Birthday.
"Happy Birthday, Dwight," caption ni Francesca.
Goodbye PBA? John Amores, tinanggalan na ng professional license!
Ngunit ang pinag-usapan ng mga netizen ay ang nais daw niyang ipahiwatig sa tila "coincidence" ng ilang mga detalye sa kanilang dalawa.
Una raw, pareho silang kinatawan ng Pilipinas (Gilas Pilipinas at Binibining Pilipinas) at pareho pa silang 24 anyos. Binibini 24 daw siya at Number 24 naman si Dwight sa kanilang team.
"Wala akong sinasabing coincidence ate ha, HAHAHAHAHAHAHA," komento ni Francesca sa isang netizen.
Pinagsabihan naman ng mga tagahanga ni Dwight ang beauty queen na tigil-tigilan ang mga ganitong pahiwatig dahil in relationship na si Dwight sa volleyball player na si Kianna Dy.
Speaking of Kianna, bilang jowa ay may sweet birthday message siya para kay Dwight.
"happy birthday saint dwight love you to the moon vroom vroom skrrt skrrt zoom zoom," aniya.
Samantala, wala pang tugon, reaksiyon, o pahayag si Francesca tungkol sa isyung ito.
