Binatikos ng Layug government ang viral na pagsasayaw ng hubo't hubad ng mga lalaki sa isang motor show sa Tayug Gymnasium sa Pangasinan, kamakailan.
“Tinutuligsa po namin ang anumang uri ng kalaswaan at kawalang-respeto ng mga nagsagawa ng nasabing aktibidad sa bayan ng Tayug at sa moralidad ng bawat Tayugenian. Ito ay hindi katanggap-tanggap at labag sa batas," paliwanag ni Mayor Tyrone Agabas.
Pinaiimbestigahan na rin nito sa mga pulis ang usapin at iniutos na rin niya na panagutin ang nasa likod ng insidente.
“Wala itong puwang sa disente at mapayapang bayan ng Tayug. Kailanman ay hindi natin kukunsintihin ang mga ganitong gawain," sabi ng alkalde.
Lolang bibisita sa City Jail, timbog matapos mahulihan ng ilegal na droga
Paliwanag ni Agabas, kumuha ng permit sa munisipyo ang Thai Low Production para sa isasagawang motor show nitong Agosto 27, 2022.
Nilabag aniya ng organizer ang mga kondisyon na nakapaloob sa permit at ang batas na nagpaparusa sa gumagawa ng kalaswaan.
