Kilig na kilig ang mga tagahanga nina volleyball star Deanna Wong at Ivy Lacsina matapos nilang magpalitan ng sweet messages para sa isa't isa.
Ibinahagi ni Ivy sa kaniyang Instagram post kahapon ng Lunes, Agosto 29, ang mga litrato nila ni Deanna habang nasa bakasyon.
Marami sa kanilang mga litrato ang nagpapakitang magkahawak-kamay sila. Sa kabila ng public display of affection o PDA nila sa isa't isa, hindi pa nila kinukumpirma kung ano ba talaga ang status nilang dalawa. Marami naman ang naniniwalang hindi lamang sila basta malapit na magkaibigan.
"Go around the world with you my greatest adventure," caption ni Ivy sa kaniyang IG post.
Goodbye PBA? John Amores, tinanggalan na ng professional license!
Tugon naman ni Deanna sa comment section, "You're a planet in my galaxy."
Nagkomento naman dito ang isa pang volleyball player na si Aby Maraño.
"Love you both!" saad nito.
Binuyo naman ng mga tagahanga ang dalawa na mag-status reveal na raw sila.
"Status reveal naman dyarn CHAR!"
"Si Deanna din sana mag-post ng picture po ninyo."
"Ivy 'Tumatapang' Lacsina."
"FORDA KILIG NAMAN ANG MGA FERSOOOON."
Noong Hulyo 18 ay kinakiligan din ang sweet birthday message ni Ivy para kat Deanna.
"Happiest birthday to the best thing that ever happened to me. I love you my Adi," pagbati ni Ivy.
Tugon naman ni Deanna, "Thank you for being the best part in this lifetime Adi, grateful for your existence. Wǒ ài nǐ!"
Bago ma-link kay Ivy, matatandaang patok na patok sa mga volleyball fans ang tambalang "GaWong" o "Jema Galanza" at "Deanna Wong" subalit nalungkot nang labis ang mga tagahanga nila matapos nilang maghiwalay.
