Hindi lamang mga karaniwang mamamayan ang nakatatanggap ng "spam text" o isang uri ng phishing kundi maging ang mga sikat na celebrity.
Isa na nga riyan ang kasalukuyang preggy na si Kapamilya actress Angelica Panganiban, matapos niyang ibahagi ang screengrab ng natanggap niyang spam text mula sa isang di-rehistradong numero.
Ang nakakapagtaka, alam ng sender/scammer na numero ni Angelica ang kaniyang pinadalhan, dahil binanggit nito ang pangalan ng aktres.
"Hi ANGELICA P., No fee, No ID, No problem. Join and get 60p now!" saad sa mensahe, kalakip ang isang link na "philnewz.com/login".
Jude Bacalso, nanindigang valid complaint pagtawag ng 'Sir' sa kaniya ng waiter
Caption ni Angge, "First name basis na yung scammer."
Hindi ito ang unang beses na nakatanggap ng spam text si Angge. Ayon sa kaniyang tweet noong Hulyo 13, 2022, napakarami na niyang na-block na mga numero na karamihan ay nag-aalok ng trabaho.
"What are the chances na kapag bago na ang phone number mo, hindi ka na matetext ng mga nagsasabing “beshie its your lucky day” or “you are now hired” or “we are hiring” napakadami ko nang na block," saad ng aktres.
