Matagumpay na operasyon sa lalamunan ng kilalang showbiz insider na si Cristy Fermin ang naiulat kasunod ng kaniyang dalawang linggong pagliban sa ilang programa sa radyo at YouTube.
Sa ulat ng entertainment portal na Pep PH nitong Linggo, matagumpay na nairaos ng batikang showbiz commentator ang Polyp Throat surgery noong Agosto 15.
Dagdag ng ulat, sa St. Luke’s Medical Center sa Taguig ginawa ang operasyon na pinangunahan ni Dr. Maita Feliciano, isang kilalang throat surgeon na nauna nang nag-opera sa OPM balladeer at Kapamilya singer na si Erik Santos.
Ito’y remedyo sa kapansin-pansing pamamaos sa pagsasalita ni Cristy na regular na nasusubaybayan ng kaniyang mga tagasunod sa radyo at YouTube.
Maris, namundok matapos maeskandalo kay Anthony
Pag-amin pa ni Cristy, dalawang linggo siyang hindi nakapasalita kasunod ng operasyon.
Pansamantala, si Rommel Chika ang nanguna sa Cristy Ferminute habang pawang recorded naman ang mga naipalabas sa “Showbiz Now Na” nitong nagdaang dalawang linggo.
Abot-abot naman ang pasasalamat ng batikang host sa mga nagpaabot sa kaniya ng well-wishes.
Samantala, live na live magbabalik si Cristy sa kaniyang regular na programa sa Lunes, Agosto 29.
