Inamin umano ni Optimum Star Claudine Barretto na hindi pa sila nagkikita at nag-uusap ng estranged husband na si Raymart Santiago, kahit na gumugulong na ang annulment na inihain ng aktor para sa kanilang pagsasama.
Nakapanayam ng Philippine Entertainment Portal (PEP) si Claudine noong Hulyo nang magtungo ito sa opening ng cafe ng kaniyang kaibigan, na nasa Tagaytay City.
Sa pamamagitan ng civil wedding ay ikinasal sina Raymart at Claudine noong 2004. Taong 2013 naman nang sila ay maghiwalay. Hanggang ngayon, hindi pa rin sila annulled.
Dagdag pa ng aktres, wala pa silang hearing patungkol sa naturang annulment case, subalit ang nag-file daw nito ay si Raymart.
Chloe San Jose, mas pinipiling maging 'authentic' na tao kaysa people-pleaser
"Siya na ang pinag-file ko. Alangan naman ako pa rin ang gumastos pagkatapos ng lahat ng nakuha niya. Diyos ko! Hahaha!" pahayag umano ni Claudine.
"Siya ang gumastos, di ba? Siya ang may kailangan, siya ang gumastos."
Sinubukan daw ng dalawa na ayusin ang kanilang relasyon subalit hindi talaga uubra.
Ang napababalitang karelasyon ni Raymart ay ang aktres na si Jodi Sta. Maria. Huling napanood si Raymart sa katatapos lamang na "FPJ's Ang Probinsyano" kung saan hinangaan ng mga netizen ang epektibong pagganap nila ni Shaina Magdayao.
Speaking of Clau, usap-usapan sa social media ang "balik-alindog" niya matapos niyang mag-post ng mga litrato sa Instagram, na mukhang nabawasan na siya ng timbang.
Kamakailan ay balik-akting na siya sa isang episode ng "Wish Ko Lang" sa GMA Network.
