Hindi makapaniwala si "It's Showtime" host at Unkabogable Star Vice Ganda nang bigla siyang dumugin ng mga tao habang bumibili ng ihaw-ihaw sa isang lugar sa Cebu, ayon sa kaniyang TikTok video.
"Yung gusto mo lang naman mag-isaw," saad ni Vice Ganda sa caption.
Makikitang pabirong hinawi ng kaibigang si MC ang mga taong dumudumog at nais na masilayan si Meme Vice na fresh na fresh pa rin kahit nauusukan ng iniihaw na street foods.
"Yung gusto mo lang naman mag-isaw pero lahat gusto sumama. Thank you Cebu!" saad ni Vice.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Nakabakasyon ngayon si Vice Ganda kaya hindi siya napapanood ngayon sa noontime show.
Anyway, mukhang happy naman si Vice Ganda at nilinaw niya ang mga kumakalat na tsismis na hiwalay na sila ng kaniyang "asawang" si Ion Perez.
Kuwento ni Vice sa isang episode ng 'It's Showtime' noong Miyerkules, Agosto 16, dumating siya sa point na umiiyak siya sa gabi dahil miss na miss niya si Ion. Ito na raw kasi ang pinakamatagal na paghihiwalay nila mula noong nagsama sila sa iisang bubong noong 2020.
Anim na araw silang nagkahiwalay dahil sa kani-kanilang bakasyon kasama ang kanilang mga pamilya.
"Umiiyak na nga ako sa gabi. Magmula kasi noong pandemic 'diba nagsama kami sa bahay tapos hindi na kami nagkaroon ng time na maghiwalay ng matagal. Pinakamatagal naming hiwalay three days, kunwari mayroon akong raket, siya pupunta ng Tarlac. Pero yung six straight days, alam naming malayo, first time yun," kuwento ni Vice.
May mensahe naman si Vice Ganda sa mga nagpapakalat ng tsismis na hiwalay na sila ni Ion.
“Masaya kami. Huwag kayong gumagawa ng mga ano, mga chismosa kayo! Hiwalay na daw kami ni Ion?” natatawang sabi niya.
Basahin: https://balita.net.ph/2022/08/19/vice-ganda-tinuldukan-ang-chismis-na-hiwalay-na-sila-ni-ion-perez/">https://balita.net.ph/2022/08/19/vice-ganda-tinuldukan-ang-chismis-na-hiwalay-na-sila-ni-ion-perez/
