Hindi pinalagpas ni Bianca Rogoff, unica hija ng yumaong "La Primera Contravida" na si Cherie Gil, na hindi sagutin ang pagkuwestyon sa kaniya ng isang basher, kung bakit siya puma-party kaagad gayong kamamatay lamang ng kaniyang ina.
Inihayag sa social media ang pagpanaw ng beteranang aktres noong Agosto 5. Ilan sa mga showbiz personalities na nag-post nito ay sina Annabelle Rama at Lara Morena. Kinumpirma naman ito ng pamangkin ni Cherie na si Sid Lucero.
Bumuhos din ang tribute ng mga kilalang showbiz personalities para sa aktres na naging kaibigan at nakatrabaho niya sa industriya.
Naglabas din ng opisyal na pahayag ang mga anak niya, kabilang na sa Bianca.
Chloe, matapang na niresbakan nagsabing niretoke ilong niya
Ngunit ilang araw lamang daw ay naispatan na si Bianca sa isang party, bagay na kinuwestyon ng isang netizen. Ang party na nabanggit ay isang beach gathering.
"Your mom just passed away and you are in a party right now?" tanong sa kaniya ng basher.
"Absolutely," tugon ni Bianca.
"Life is sacred and should be valued and honored, and most importantly, lived."
"If you knew her, she’d be the first one to tell anyone to live their life adventurously and joyfully," ani Bianca.
“I am grieving and that is similarly sacred – but it is not my job to show you that. I love my mother and am allowed to grieve as publicly or privately as I wish. I am not here to perform for those who chose to follow me.”
Hinimok din niya ang naturang basher na puwede siya nitong i-unfollow kung gusto nito.
"I will keep enjoying the life my mother gave and granted me," ani Bianca.
