SAN CARLOS CITY, Pangasinan -- Nasawi ang isang batang mangangalakal na nagsusumikap lang tumulong sa kanyang mga magulang nang makuryente ito matapos damputin ang inakalang copper wire na isa pa lang live electrical wire sa isang abandonadong bahay sa Brgy. Roxas.
Kinilala ang biktima na si Eric Gamboa, 14, residente ng Brgy. Pangalangan, San Carlos City.
Lumalabas sa inisyal na imbestigasyon na kumuha ng wire/copper ang biktima sa loob ng abandonadong bahay bandang ika-10 ng umaga, Miyerkules, Agosto 17.
Lingid sa kaalaman ng bata ang nasabing damaged live electrical wire na naging mitsa ng kaniyang buhay.
Catanduanes, niyanig ng magnitude 6.1 na lindol
Agad na isinugod ang biktima ng mga tauhan ng City Disaster Risk Reduction Management Office (CDRRMO) sa Pangasinan Provincial Hospital, San Carlos City, Pangasinan para sa posibleng pagrekober ngunit kalaunan ay idineklara itong Dead on Arrival (DOA) ng kanyang attending physician.
Agad na ipinag-utos ni Col Richmond Tadina, PNP Pangasinan Provincial Director, ang kapulisan sa lugar na suriin ang insidente at tulungan ang pamilya ng biktima.
