Balak umano ng dating kalahok sa "Miss Q&A" ng "It's Showtime" at celebrity housemate ng "Pinoy Big Brother: Kumunity Season 10" na si Brenda Mage na magpagawa ng sariling basketball at volleyball court para sa kaniyang pamilya sa kanilang probinsya.
"Mission accomplished" na si Brenda sa pagpapatayo ng kaniyang malaking bahay na inspirasyon mula sa Bahay ni Kuya. Nakaplano na rin ang pagpapagawa niya sa bahay ng kaniyang lola na nasa loob ng kanilang compound. Nito lamang ay naisagawa na ang house blessing ng kaniyang malaking bahay, na hindi niya inakalang makakamit niya. Wala raw kasi sa plano niya noong una na mapalakihan ito.
Basahin: https://balita.net.ph/2022/07/30/bagong-balur-ni-brenda-mala-bahay-ni-kuya/">https://balita.net.ph/2022/07/30/bagong-balur-ni-brenda-mala-bahay-ni-kuya/
"Nag-umpisa ang lahat sa pangarap... ngayon nagbunga na ang aking Pagsisikap," saad ni Brenda sa kaniyang Facebook post, kalakip ang litrato ng kanilang house blessing.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
"Wag mong hayaan na ang iyong pangarap ay manatiling Pangarap."
"TAGUMPAY ANG PLANO."
Kaya sa panibagong Facebook post ni Brenda, Linggo, Agosto 14, ibinahagi niya ang naiisip na balak sa isang malaking lote sa kanilang probinsya.
"Next project Basketball and Volleyball court para naman sa mga kapitbahay at kamag-anak ko na mahilig sa sports na alam kong gusto talaga nila dahil ako mismo during my childhood player din ako ng Basketball hahaha…" ayon sa komedyante.
"Magandang function din tong laro para maiwas sa mga masasamang bisyo. Have a blessed and Happy Sunday ahead."
Sa comment section ay nag-react naman dito ang dating momshie host na si Karla Estrada.
"Love it!" aniya.
Marami naman ang natuwa sa balak ni Brenda, na hindi nagmaramot na ibahagi sa kaniyang mga kapamilya at kapitbahay ang anumang biyayang mayroon siya.
