Matapos matupok ang tahanan ni “Queen of Soul” Jaya sa Silverdale, Washington sa Amerika kamakailan, nanawagan na ang ilang malalapit na kaibigan ng singer para tulungang makabangon ang pamilya nito.
Bagaman ligtas ang buong pamilya ni Jaya, halos walang naisalba ang mga ito nang matupok ang kanilang bahay dahil sa hindi pa natutukoy na sanhi.
Basahin: Jaya, nasunugan ng bahay sa US – Balita – Tagalog Newspaper Tabloid
Sa isang tweet nitong Miyerkules kalakip ang online donation link, abot-abot ang pasasalamat ni Jaya sa mga nagpaabot “love and generosity” sa gitna ng kinahaharap na ”tragic time” ng kanilang pamilya.
98% ng buhok, nalagas na; Doc Willie may mensahe sa kabataan, mga magulang
Target ng donation drive na makalikom ang pamilya ng singer ng $20,000 para sa pagbangon nito.
Kasalukuyan na itong umabot sa halos $7,000 sa pag-uulat.
Dahil sa kasalukuyang pondo, the show must go on naman ang isang gig ni Jaya sa Tampa Bay, Florida sa darating na Sabado.
"Thank you all for your generosity. Because of your thoughtful giving my wife Jaya was able to buy the necessities she needs to fly out and perform this Saturday in Tampa Bay.
“Although us all being exhausted, stressed and full of anxiety, without your help we wouldn’t be able to gather what was salvageable (which was mostly clothes) and wash them at the laundry mat and acquire a small storage unit to store them,” pahayag ng pamilya ni Jaya.
Muli ring nagpasalamat ang pamilya ng singer sa mga bumuhos na tulong.
Sa isang Instagram post ng asawa ni Jaya na si Gary Gatidoc nitong Miyerkules, all-smile pa rin ang pamilya ng singer sa kabila ng trahedya.
“The last time we are ever stepping into this house! We had some pretty fun memories here during our short time. We will never forget all the kind neighbors we had that showed us love and support! It was a fun ride Capitola Pl,” mababasa sa IG post ni Gary na nirepost ni Jaya.
Nauna nang nagpaabot simpatya ang malalapit na kaibigan sa showbiz kay Jaya.
