Kagulat-gulat at hindi raw makapaniwala ang nagbabalik-Kapusong si Billy Crawford na mapapanood na ulit siya sa una niyang naging tahanan, ang GMA Network, bilang TV host ng game show na "The Wall Philippines" na na-acquire ng Viva at Kapuso Network.
Matatandaang nagsimula si Billy, na "Billy Joe" pa ang pangalan noon, nang mapasama siya sa "That's Entertainment" ng yumaong star builder na si German "Kuya Germs" Moreno. Huling napanood sa GMA si Billy noong 2007 matapos niyang bumalik sa Pilipinas mula sa ibang bansa, kung saan nagsilbing host siya ng "The Billy Crawford's Search For Pinoy Dancers".
Lumabas ang balitang Kapuso na ulit si Billy noong Hulyo 30, kung kailan ginanap ang kauna-unahang GMA Thanksgiving Gala Night. Nakadalo rin siya sa pagtitipong ito kasama ang misis na si Coleen Garcia.
Basahin: https://balita.net.ph/2022/07/31/billy-balik-kapuso-marco-bianca-cristine-dumalo-sa-gma-thanksgiving-gala-night/">https://balita.net.ph/2022/07/31/billy-balik-kapuso-marco-bianca-cristine-dumalo-sa-gma-thanksgiving-gala-night/
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Sa panayam ng GMA Network kay Billy, pakiramdam daw nito ay muli siyang nagbalik sa lumang bahay niya.
"Para sa akin kasi para akong bumalik sa lumang bahay ko, 'yun 'yung pakiramdam ko," aniya.
Hindi raw siya nagdalawang-isip na tanggapin ang proyekto lalo't siya ang naging orihinal na host nito noong nasa TV5 pa.
Sa kabilang banda, masasabing "Kapamilya" at "Kapatid" din siya dahil napapanood sa TV5 at platforms ng Kapamilya Network ang noontime show na "Tropang LOL".
Mapapanood na ngayong Agosto ang The Wall Philippines.
